Menu Xerais

Arquivo mensual: Febreiro 2010

«Ao pé da Laxa da Moa»,

Acaban de chegar do prelo os primeiros exemplares do máis recente libro de Antón Cortizas, Ao pé da Laxa da Moa. Publicada dentro da coleción «Gran Merlín» é esta unha fermosísima recompìlación de literatura de tradición oral realizada no ámbito do concello de Carnota. Un utilísimo libro de folclore de noso.

«Os Eidos. Libro do Courel», edición en Xerais Clásicos no Ano Novoneyra

Cando Uxío Novoneyra publicou Os Eidos, en 1955, a súa voz converteuse de inmediato nunha das máis intensas, renovadoras e salientables da poesía galega. En Os Eidos agroma unha poesía limpa, concisa e breve, que asenta nunha profunda identificación entre o poeta e a natureza, e que nos vai mostrando, desde un certo ensoñamento de quen escribe, un intimismo radical ligado á terra e aos sentimentos de pertenza a esta.

«Unha historia que non vou contar», en Trafegando ronseis

Que se pode esperar dun libro que se titula Unha historia que non vou contar? Pois, así de inicio, suxíreme unha especie de reto, coma se o autor me estivese dicindo “Vaste atrever a ler un libro que se titula así?” E cando vexo que o autor é Cid Cabido teño aínda menos dúbidas de que, en efecto, me está retando, polo que xa non demoro máis a lectura. Afortunadamente.

«Os Celtas. Unha (re)visión dende Galicia» de Francisco Calo Lourido

Na primeira semana de marzo aparecerá nas librarías un importante ensaio de Francisco Calo Lourido Os Celtas. Unha (re)visión dende Galicia. Os celtas, despois de moitos anos nos que se fixo investigación arqueolóxica sen precisar deles, rexurdiron, en Europa e en toda a Península Ibérica, como tema de investigación e, sobre todo, de polémica, na década dos oitenta.

Kirmen Uribe: «Quero amosar o lado amable do País Vasco»

Xornal de Galicia faise eco da publicación das traducións de Bilbao-New York-Bilbao: «Quería dar unha visión amable do País Vasco», afirmou onte Kirmen Uribe sobre a súa obra Bilbao-New York-Bilbao, gañadora do Premio Nacional de Narrativa en 2009. A súa novela, escrita orixinalmente en éuscaro, apareceu este mes traducida ao castelán por Seix Barral, e ao catalán por Edicións 62.

«Unha historia que non vou contar», crítica en «El Correo Gallego»

Recomendamos o texto que José Manuel Estévez Saá publica en El Correo Gallego unha crítica sobre a novela de Cid Cabido Unha historia que non vou contar.

«A Táboa da Hospitalidade», crítica en «lg3»

Montse Pena Presas publica nas páxinas de crítica de «lg3» un traballo sobre A Táboa da Hospitalidade, a segunda entrega d`O Brindo de ouro, a serie de novelas de fantasía épica de Xesús Manuel Marcos. Recuperamos algúns parágrafos dun texto moi interesante: As lectoras que limos entusiasmadas a primeira novela, vimos que tanto o título como o final deixaban a porta aberta para a continuación da triloxía.

Finalistas Premios AELG 2010

Recollemos a relación de finalistas dos Premios AELG 2010, que serán fallados o 17 de abril de 2010, no seo da Cea das Letras. Blog Literario A canción do náufrago (http://franciscocastro.blogaliza.org/), de Francisco Castro As uvas na solaina (http://asuvasnasolaina.blogspot.com/), de Marcos Valcárcel Axenda Cultural da AELG (http://axendaaelg.blogaliza.org/), de Algueirada (Acción cultural na rede) Brétemas (http://bretemas.

«O segundo sexo» de Simone de Beauvoir, publicación do segundo volume

Coincidindo coa efeméride do 8 de marzo, aparecerá A experiencia vivida, o segundo tomo d O segundo sexo, a obra fulcral de Simone de Beuavoir. Remata así o extraordinario traballo dunha década da tradutora Marga Rodríguez Marcuño sobre a obra de Beauvoir, cando celebramos que hai xustamente dous anos publicara o primeiro tomo, Os feitos e os mitos.

«George Steiner en The New Yorker»

Na primeira quincena do mes de marzo chegará ás librarías George Steiner en The New Yorker, o primeiro libro en galego de George Steiner.

Xosé María Carballeira entrevistado en «Faro da Cultura»

Xosé María Carballeira, coordinador do grupod e redactores do Gran Dicionario Xerais da Lingua, é entrevistado por Natalia Álvarez para «Faro da Cultura», suplemento de Faro de Vigo. A entrevista completa pode lerse ou baixarse aquí.

Primeiros ecos da edición en galego da novela de Kirmen Uribe

Jaureguízar comenta no seu blog a noticia da publicación en galego de Bilbao-New York-Bilbao, a novela coa que Kirmen Uribe obtivo o Premio Nacional de Narrativa de 2009. Bilbao e Bermeo son dous ámbitos determinantes no meu pasado (alí están soterradas as fontes das que manou o meu ADN) e na miña infancia. Bermeo é unha vila arrantzale, coma Ondarroa, onde naceu Kirmen Uribe.