Menu Xerais

Arquivo mensual: Abril 2008

Premios IGAEM 2008

Premios IGAEM 2008

O IGAEM convocou a XVIIª edición do Premio Álvaro Cunqueiro para textos teatrais e a IIIª edición do Premio Manuel María de literatura dramática infantil, que o vindeiro ano serán coeditadas polo IGAEM e Xerais dentro da colección Biblioteca Dramática Galega.

Finalistas no Premio San Clemente

Finalistas no Premio San Clemente

Dúas das novelas de Xerais Narrativa publicadas o pasado ano foron declaradas finalistas da XVª edición do Premio Arcebispo Juan de San Clemente: Cardume de Rexina Vega, na categoría de mellor novela galega, e Terrorista de John Updike, na de novela estranxeira. Un xurado de lectores, formado por alumnos e alumnas de bacharelato de cinco centros de toda Galicia, valorará as obras finalistas.

Entrevista a Rexina Vega

Entrevista a Rexina Vega

Pura Salceda entrevista en Vieiros a Rexina Vega, autora de Cardume, a novela gañadora do Premio Xerais de Novela 2007. Reproducimos dous dos parágrafos desta longa entrevista: Pura Salceda: Como lle cambia a un a vida cando é Premio Xerais de Novela? Rexina Vega: Aínda, a tantos meses xa do Premio, non sei ben que contestar. O que me cambiou a vida, no máis fondo, foi o feito de ser quen de publicar unha novela.

“A cultura do pan”, entrevista a Xosé Lois Ripalda

“A cultura do pan”, entrevista a Xosé Lois Ripalda

Con motivo da recente aparición nas librarías d’ A cultura do pan, A Nosa Terra publica unha interesante entrevista co etnógrafo e escritor Xosé Lois Ripalda.

David Mckee, outra vez en galego

David Mckee, outra vez en galego

Con Negros e brancos, David Mckee –un dos autores e ilustradores máis recoñecidos internacionalmente– creador do inesquecible personaxe do elefantiño Elmer, volve publicar en galego no catálogo de Xerais.

“O señor Lugrís e a negra sombra”, de Luís Rei Núñez Premio da Crítica 2007

“O señor Lugrís e a negra sombra”, de Luís Rei Núñez Premio da Crítica 2007

O señor Lugrís e a negra sombra, a máis recente novela de Luís Rei Núñez, foi a obra gañadora dos Premios da Crítica 2007 na categoría de narrativa. Este galardón, sen dotación económica, concedido pola Asociación Española de Críticos Literarios, recoñece a excelencia dunha novela que, dende a súa aparición na colección Xerais Narrativa o pasado mes de setembro concitara grande interese e apoio dos lectores.

Xerais na Feira do Libro de Compostela

Xerais na Feira do Libro de Compostela

Xerais participa en diversos actos da XXVIIª Feira do Libro de Santiago, que se inaugurou hoxe co pregón de Xurxo Souto e que se celebrará ata o domingo 13 de abril na Alameda. A feira compostelana, que nesta edición, con respecto a anos anteriores, adiantou sensiblemente as súas datas de celebración, abre o programa anual destes certames organizados pola Federación de Libreiros de Galicia.

Catálogos de lecturas en pdf

Catálogos de lecturas en pdf

Xa se poden descargar no noso espazo web os catálogos 2008, en formato pdf, das coleccións Fóra de Xogo; Merlín; Sopa de Libros, Amancio Amigo, As aventuras de Nunavut e Andavía, ademais do nosas series dirixidas a Primeiros Lectores.

“Obra dramática” de Francisco Taxes

“Obra dramática” de Francisco Taxes

”Escritor maldito nunha cultura tanto tempo maldita”, como o describiu Manuel Rivas en 1978, o escritor e guionista de cine Francisco Taxes Prego (A Coruña, 1940-2003) apostou nos seus textos por un teatro popular, comprometido e divertido, contribuíndo deste xeito a converter a arte de Talía nunha ferramenta fundamental na loita a prol da recuperación e a normalización da cultura e a lingua galegas.

“Veleno tinto” de Ramón Carredano

“Veleno tinto” de Ramón Carredano

Naquela mañá de inverno de 1319, Frei Samuel, o humilde monxe sandador do mosteiro de Toxosoutos, camiñaba cara a Noia cunha dor de frieiras que case o facía chorar. No castelo de don Rui de Soga de Lobeira, agardábao o bispo Berenguel de Landoire coa intención de agradecerlle un impagable servizo que o freire lle ofrecera na súa loita contra os que pretendían apartalo do bispado de Compostela.

Premios Xerais 2008, o 7 de abril péchase a admisión de orixinais

Premios Xerais 2008, o 7 de abril péchase a admisión de orixinais

O luns día 7 de abril péchase a admisión de orixinais da XXVº Premio Xerais de Novela, da XXIIIº Premio Merlín de Literatura Infantil e do IIIº Premio Fundación Caixa Galicia de Literatura Xuvenil. Os premios fallaranse o 7 de xuño de 2008 na illa de San Simón. Tal como establecen as bases, no mes de maio, anunciarase a composición dos tres xurados.

Serán pola paz

Serán pola paz

O 18 de abril, venres ás 20:00 horas, celebrarase no Teatro Caixanova de Vigo o SERÁN POLA PAZ. Un acto literario musical, conducido por Manuel Romón, inserido nas actividades do XXII Encontro de Educadores pola Paz, no que presentaremos os dos primeiros volumes da triloxía Educación e paz: 25 anos de Educadores pola Paz de Xesús R.