Menu Xerais

«O Cabo do Mundo» de Xabier Quiroga, Premio da Crítica 2010

Segundo lemos no blog de Xosé Manuel Eyré, a novela de Xabier Quiroga O Cabo do Mundo foi merecedora do Premio da Crítica 2010 no eido da Narrativa en lingua galega. Recollemos o texto preparado pola Sección de Crítica da AELG:

Era 2002 e Xabier Quiroga sorpendía na narrativa galega con Atuado na braña, unha historia ben trabada y traballada, complexa e poliangular, na que se plantexaba que a procura da identidade individual non se pode realizar fóra do ámbito social; por moito que os poderes mediáticos sacralicen o individuo, o certo é que a  historia de cada un está intimamente ligada á dos demais. Esta orientación temática  mantívoa  dous años máis tarde, en Era por setembro, novela máis breve que a anterior. Posteriormente chegou Se buscabas un deus (2006, sempre en Edición Xerais de Galicia), outra novela de fondo alento, que complementa  Atuado na baraña, en canto que a primeira incursión se proxectaba sobre o pasado resultando afectado o presente e nesta segunda partindo do futuro acaba por afectar as tres dimensións temporararias (presente, pasado y futuro).

Esta O Cabo do Mundo, que hoxe premiamos, combina a extracción de personaxes de la Historia da vida cotidá nun pobo do  sur da provincia de Lugo (Escairón), coa doación a esa mesma Historia de personaxes que son logradas creacións literarias. De forma e maneira que ambas ( extracción e doación) encaixan á perfección no puzzle, ese enorme puzzle que construímos, con toda a vontade e dignidade de que somos capaces, todos os que non queremos que sexan esquecidas tantas traxedias como eo Alzamento militar franquista de 1936 provocou e que algúns pretenden desactualizar interesadamente.

No eido da poesía, a obra gañadora foi Deter o día cunha flor de Luz Pozo Garza, obra publicada por Baía edicións. Os nosos parabéns para Luz e Xabier.

Comentarios pechados