Menu Xerais

Recensión de Ramón Nicolás sobre «Xoa», de Antonio Yáñez Casal

O crítico Ramón Nicolás publicou unha pequena recensión en La Voz de Galicia sobre Xoa, de Antonio Yañez Casal, que reproducimos:

Os sete puntos da xoaniña

Finalista na última edición do Premio Merlín, Antonio Yáñez –quen conta cunha ampla experiencia na narrativa para primeiros lectores- ofrece un cumprido e imaxinativo volume que se acobilla á clásica fórmula da fábula, por extensión tamén á dunha alegoría.

Nel transítase pola vida dunha xoaniña que, na súa descuberta do mundo, asumirá un inevitable percorrido de aprendizaxe, someténdose a unhas probas que a abocarán ao mundo dos adultos e que lle permitirán ao animaliño diminuto obter, se consegue superalas aplicando máis a intelixencia e o enxeño que a forza, eses sete máxicos puntos escuros dos seus élitros.

Ramón Nicolás

Comentarios pechados