Cartas de inverno de Agustín Fernández Paz é o libro de ficción máis vendido da editorial. Publicado en 1995, na colección Fóra de Xogo, leva 29 edicións e 84.400 exemplares vendidos a día de hoxe.
O venres, 9 de novembro, ás 20 horas, terá lugar o concerto O meu primeiro Celso Emilio no Círculo das Artes de Lugo. Actuarán María Manuela, Mini e Mero e Xiana Lastra.
Manuel Bragado publicou no seu blog Brétemas unha anotación sobre a presentación onte en Compostela de Gran tiburón branco, de Samuel Solleiro. Gran tiburón branco Desque hai máis dunha década publicamos Elexías a deus e ao diaño, temos a convicción que Samuel Solleiro é un dos escritores chamados a ampliar as marxes da narrativa galega contemporánea.
Fran Alonso publicou unha anotación no seu blog explicando como naceu a súa última novela, A punta de pistola, Premio de Novela por Entregas La Voz de Galicia 2012. «Algúns sucesos denotan unha carga tráxica tan forte que en apariencia resultan cómicos.
Todo sobre o fútbol galego, de Carlos Freire Cordeiro, é unha das novidades de Xerais para o último trimestre do ano. En Todo sobre o fútbol galego temos unha visión panorámica do fútbol en Galicia, un enfoque que permite ver en perspectiva e dun xeito ecuánime a historia deste deporte desde os seus inicios até os nosos días.
O blog Trafegando ronseis publica unha anotación crítica sobre a última novela de Manuel Rivas, As voces baixas. As voces baixas A primeira novela “seria” que lin foi Nada de Carmen Laforet; antes xa chapodara varias veces os cómics do Capitán Trueno, Jabato e os que había preto, aqueles intercambios que faciamos na tenda que había xusto fronte da casa de meus pais, e á que acudiamos cada día.
Cartas de inverno, unha novela gráfica de Antonio Seijas baseada na novela de Agustín Fernández Paz, é unha das novidades para os derradeiros meses deste ano. Á volta da súa viaxe, o escritor Xabier Louzao atópase coas cartas que o seu amigo Adrián lle escribira durante a súa ausencia.
Radiofusión emitiu unha entrevista a Carlos Freire Cordeiro, autor de Todo sobre o fútbol galego.
Manuel Gago publicou no seu blog Capítulo 0 unha recensión crítica sobre a última novela de Manuel Rivas, As voces baixas. As voces baixas: o corpo aberto de Rivas Algúns escritores acompáñante ao longo de boa parte da túa vida como lector.
Vicente Araguas publicou unha recensión crítica sobre o libro de memorias de Xosé Fernández Ferreiro, titulado De Xente Nova a Brais Pinto, e subtitulado Memorias dun afiador rebelde, nos xornais Atlántico e La Región. O crítico Araguas refírese a el como «un libro moi sabedor», que vén cheo de datos e refírese á xeración de Brais Pinto como aquela xente que «tanto brillo espontáneo aportaran a unha época escura».
A xornalista Ana Baena publicou o sábado no Atlántico Diario unha entrevista con Marcos Calveiro sobre Palabras de auga.
Letra en obras publicou unha entrevista a Samuel Solleiro sobre a súa última novela, Gran tiburón branco. «Teño respecto polas novelas e non creo moito na posibilidade de escribilas rápido» Seis anos despois de publicar o ata de agora o seu último libro, Dz ou o libro de esperma, Samuel Solleiro (Tui, 1982) volve ás librarías con Gran tiburón branco (Ed. Xerais).