Menu Xerais

Arquivo mensual: Decembro 2012

Lectura de “As voces baixas” en Ourense

O mércores, 19 de decembro, ás 20:00 horas, no Salón Noble do Liceo, rúa Valentín Lamas Carvajal, 5 de Ourense, terá lugar unha  lectura de As voces baixas de Manuel Rivas. No acto participarán Manuel Rivas e Manuel Bragado. A partir das 19:00 horas, Manuel Rivas asinará exemplares na Livraria Torga, rúa da Paz, 16 de Ourense.

A caixa de marmelo que conduce á División Azul: «A noite branca», de Francisco X. Fernández Naval

Os xornais Galicia Hoxe e El Correo Gallego publican unha crónica da presentación de A noite branca, de Francisco X. Fernández Naval, en Ourense.

Crónica en Brétemas da presentación de «O rastro que deixamos», de Agustín Fernández Paz, en Vilalba

Manuel Bragado publicou en Brétemas unha crónica da presentación de O rastro que deixamos, de Agustín Fernández Paz, en Vilalba. Tamén o xornal dixital Terra Chá.xa publicou unha información sobre a presentación.

Francisco X. Fernández Naval: «Esta novela foi o proxecto literario e vital máis importante no que me mergullei». Entrevista de Camilo Franco sobre «A noite branca»

Camilo Franco publicou en La Voz de Galicia unha entrevista a Francisco X. Fernández Naval polo seu libro A noite branca, que se presenta esta tarde en Ourense. Francisco X.

Unha visión inédita sobre o poeta: «Onde o mundo se chama Celso Emilio Ferreiro», de Ramón Nicolás. Crítica de Gustavo Hervella García

O soportal de literatura do Consello da Cultura Galega, LG3, publica unha recensión crítica de Gustavo Hervella García de Onde o mundo se chama Celso Emilio Ferreiro, de Ramón Nicolás.

Presentación de “As voces baixas” en Vigo

O martes, 18 de decembro, ás 20:00 horas, na libraría Librouro, Eduardo Iglesias, 12 de Vigo, terá lugar a lectura-presentación do libro As voces baixas de Manuel Rivas. No acto participarán, Antón Patiño, Manuel Bragado e Manuel Rivas. A partir das 18:00 horas, Manuel Rivas asinará exemplares da súa obra.

Presentación en Santiago de “A noite branca”

O martes, 18 de decembro, ás 20:00 horas, na Capela do IES Rosalía de Castro de Santiago, terá lugar a presentación da novela A noite branca de Francisco Xosé Fernández Naval. No acto participarán María Jesús Cabado Pampín,  Xosé M. Núñez Seixas (LMU, Múnich), que intervirá a través de skype, Fran Alonso e o autor. Acompañamento musical de Carlos Arias. Ao remate servirase un viño ofrecido por Colección Costeira.

Presentación en Silleda de “Como falar e escribir en galego con corrección e fuidez”

O martes, 18 de decembro, ás 21:00 horas, na Biblioteca Municipal Daniel Castelao de Silleda, terá lugar a presentación do libro Como falar e escribir en galego con corrección e fluidez de Carlos Callón.

Presentación de “Abecedario das mantenzas” na Coruña

O luns, 17 de decembro, ás 19:30 horas, no Salón de Actos da Real Academia Galega, Tabernas, 11.  A Coruña, terá lugar a presentación do libro Abecedario das mantenzas de Fausto Galdo. No acto participarán, Xosé Ramón Barreiro Fernández, Cristino Álvarez, Faxildo Galdo e Manuel Bragado.

Os primeiros títulos de Xerais están xa en Amazon, dispoñibles para o Kindle

Os primeiros títulos de Xerais están xa en Amazon, dispoñibles para os lectores e lectoras que empregan o Kindle. Os libros que xa se poden mercar para ese formato electrónico son As voces baixas, de Manuel Rivas; Tonas de laranxa, de María Lorenzo Miguéns e Manuel Lorenzo Baleirón, Premio Xerais de Novela 2012; En vías de extinción, de María Reimóndez; e Non hai noite tan longa, de Agustín Fernández Paz.

A autonovela de Manuel Rivas, o fillo da leiteira: «As voces baixas». Crítica de Francisco Martínez Bouzas

Francisco Martínez Bouzas publicou no seu blog Novenoites unha recensión crítica sobre As voces baixas, de Manuel Rivas.   O fillo da leiteira. A autonovela de Manuel Rivas A estas alturas da película coido que resulta ocioso / odioso que alguén pense que o recoñecemento de Rivas como un extraordinario escritor se debe ao feito de ter detrás ao grupo Prisa.

Terror e tensión, estupenda mostra de novela gráfica: «Cartas de inverno», de Antonio Seijas. Crítica de Montse Pena Presas

Montse Pena Presas publica hoxe nas páxinas do «Faro da Cultura», de Faro de Vigo, unha recensión crítica sobre a novela gráfica Cartas de inverno, de Antonio Seijas, baseada na novela Agustín Fernández Paz.