Menu Xerais

«Antón Reixa. Ghicho distinto», de Manuel Xestoso e X. Cid Cabido. Unha figura imprescindible para comprender os cambios na cultura galega das últimas décadas

Antón Reixa. Ghicho distinto, do que son autores Manuel Xestoso e X. Cid Cabido, é unha das novidades da colección crónica de Xerais.

A figura de Antón Reixa resulta imprescindible para comprender os múltiples cambios na cultura galega das últimas décadas. A súa obra comezou na poesía para, sen abandonar nunca a escrita, continuar por campos creativos e de comunicación tan diferentes coma o rock and roll, a videoarte, a performance, o teatro, a radio, a televisiou ou o cinema. En todos estes ámbitos –e empregando como principais ferramentas o humor, a ironía crítica e a vontade de intervención social–, logrou abrir novos camiños nos que a cerna expresiva da cultura popular dialoga de forma inédita coa sociedade do espectáculo. E sempre, mantendo Galicia como referente central arredor do que xira toda a súa variada produción, co propósito de crear un novo espazo simbólico dende o que repensar o país.Nestas conversas co escritor X. Cid Cabido e co crítico Manuel Xestoso, Antón Reixa vai debullando os aspectos máis relevantes da súa biografía, as claves do seu traballo e as liñas esenciais do seu pensamento artístico e político.

Deixa un comentario!