Menu Xerais

O Universo «Dragal» de Elena Gallego: mil páxinas trepidantes cheas de sopresas

Manuel Bragado, director de Xerais, publicou no seu blog Brétemas, unha anotación sobre a presentación de Dragal III. A fraternidade do dragón, de Elena Gallego Abad. Así mesmo, o Faro de Vigo tamén recolleu a nova da presentación.

 

Universo Dragal

Presentamos en Cangas, nas instalacións de FECIMO, a última entrega da triloxía do «Universo Dragal». Toda unha proeza de Elena Gallego que en apenas dous anos publicou mil páxinas trepidantes cheas de sorpresas, segredos, poderes e alquimias enfiadas por unha trama engaiolante de realismo fantástico. Con todo, o máis interesante da triloxía é a iconografía de estripe nosa que recupera, amosando que Galicia, dende hai case un milleiro de anos, é un país de dragóns, gárgolas, grifóns, cocas, serpes ou tarascas. Un mito aínda vixente na nosa tradición oral popular que Elena encarna nun rapaz de instituto do século XXI. Eis a clave do éxito de tan valioso «Universo Dragal». Tres novelas de aventuras moi recomendables, non só para lectorado xuvenil.

Deixa un comentario!