O mércores, 26 de xuño, ás 21:00 horas, no Centro Cívico de Malpica, terá lugar a presentación de Como falar e escribir en galego con corrección e fluidez de Carlos Callón. O acto está organizado pola Asociación Cultural Caldeirón e A Mesa.
Reproducimos o booktrailer de O anxo de Eva de Marina Mayoral no que a autora fala da orixe da novela e comenta os personaxes principais da historia.
Xosé M. Eyré publicou en Galicia Confidencial unha recensión crítica sobre As vidas de Nito, de Xabier Paz. Unha obra de reflexións sobre moi diversos aspectos e ópticas, desde a filosofía á bioloxía, a poesía, relixión, metapoética, historia ou os xogos tradicionais. Crítica de X.M. Eyré.
Francisco Martínez Bouzas publicou no seu blog Nove noites unha recensión crítica sobre As vidas de Nito de Xabier Paz . Novela moi rica, escrita cunha lingua envolvente, evocativa, por veces case que luxuriosa.
Manuel Rodríguez Alonso publicou no seu blog, Bouvard e Pécuchet, unha recensión crítica sobre Inmateriais, de Suso de Toro. Apuntamentos biográficos melancólicos Suso de Toro reúne neste volume un feixe de apuntamentos biográficos sobre figuras galegas que publicou na hoxe desaparecida páxina Luces da edición galega de El País, baixo o título de Xente de aquí.
O martes, 25 de xuño, ás 20:00 horas, na librería Paz, rúa Peregrina, 29 de Pontevedra, terá lugar a presentación do libro Manuel Luiero Rey 1916-1990 A liberdade ferida coordinado por Ramón Nicolás. No acto participarán Ramón Nicolás, Luís Cochón e Manuel Bragado.
O suplemento Faro da Cultura, de Faro de Vigo publicou unha entrevista de Lourdes Varela a Francisco Fernández Naval sobre A noite branca. «O escritor non debe renunciar a ningunha fonte histórica» En A noite branca (Xerais), o escritor ourensán, residente na Coruña, Francisco X.
O blog Trafegando Ronseis publicou unha anotación baixo o título «Poesía nas aulas: Antonio García Teijeiro». «Poesía nas aulas: Antonio García Teijeiro» Antía e Nuria achegáronse á obra de Antonio García Teijeiro e mantiveron con el un diálogo escrito. Estas son as súas impresións: Poder falar con este autor sen dúbida foi unha moi boa experiencia. Cambiou a nosa perspectiva de ver o mundo da Literatura.
O sábado, 22 de xuño, ás 20:00 horas, na Galería de Arte Besada, rúa Concepción Arenal, 1 Baixo, O Grove, terá lugar a presentación do libro Manuel Lueiro Rey 1916-1990 A liberdade ferida. No acto participarán Carlos Besada, Ramón Nicolás, Luís Cochón, Xesús Alonso Montero e Manuel Bragado.
O sábado, 22 de xuño, ás 12:00 horas, no Salón de Actos do Auditorio de Rianxo, terá lugar a presentación do libro Do estigma á estima de Valentina Formoso. No acto participarán Adolfo Muíños (alcalde de Rianxo), Manuel Bragado e Valentina Formoso.
Carlos Negro publicou en Praza Pública un artigo titulado «De cando Rosalía era pequeniña e viu un rato que lle falaba á lúa» no que fala de Un rato díxolle á lúa, a antoloxía poética de Antonio García Teijeiro feita por Fran Alonso e ilustrada por Xosé Cobas, con música de Paco Ibáñez.