Sermos Galiza publicou unha entrevista que lle fixo Carme Vidal a María Reimóndez sobre o seu libro A alternativa está aquí. María Reimóndez: «As alternativas están aquí mais é preciso darlles visibilidade» A escritora María Reimóndez ten “un plan” e do seu desenvolvemento fala no seu novo ensaio A alternativa está aquí (Xerais).
X. L. Méndez Ferrín publicou no Faro de Vigo un artigo sobre o libro Conciencia política e literatura galega en Madrid (1950-2000), de Ana Acuña. O artigo pode lerse ou descargarse neste enlace.
Gracia Santorum publicou en As estelas dos ronseis máis de 100 opinións dos seus alumnos e alumnas sobre diversos libros de Manuel Rivas lidos ao longo dun trimestre. As opinións dos/as estudantes poden lerse neste enlace.
O suplemento «Fugas» de La Voz de Galicia unha entrevista de Tamara Montero á escritora Elena Gallego Abad sobre a súa novela Sete Caveiras. A entrevista pode lerse ou descargarse en pdf neste enlace.
Ramón Nicolás publicou no suplemento «Fugas» de La Voz de Galicia unha recensión crítica sobre o libro Os santos nunca dormen, de Teresa González Costa.
O programa Somos quen da Radio Galega emitiu unha entrevista con Matilde Felpeto Lago sobre o seu libro O polbo e a súa cociña.
Gracia Santorum publicou en As estelas dos ronseis máis de 70 opinións dos seus alumnos e alumnas sobre diversos libros de Suso de Toro lidos ao longo dun trimestre. As opinións dos/as estudantes poden lerse neste enlace.
Manuel Bragado, director de Xerais, publicou en Brétemas unha anotación sobre a presentación do libro A alternativa está aquí de María Reimóndez. O libro das xoaniñas, teoría e praxe, aquí e agora Moito gustei das palabras de Encarna Otero na presentación que onte na Libraría Lila de lilith de Compostela dedicou a María Reimóndez e ao seu libro A alternativa está aquí.
Dinamizar entre os máis novos a lectura do xénero poético é o obxectivo principal da Guía de poesía, un material de apoio para as persoas adultas que traballan no fomento da lectura na infancia promovido pola Asociación de Investigación en Literatura Infantil e Xuvenil ELOS-Galicia e pola Secretaría Xeral de Cultura.
O programa ZigZag da TVG emitiu unha entrevista con Pemón Bouzas sobre a súa novela Novos pasos por Bretaña.
O blog Escritoras de literatura infantil e xuvenil publicou unha anotación sobre o libro ¡Sireno, sireno!, de An Alfaya. O mundo do Sireno O libro de ¡Sireno, Sireno! de An Alfaya ofrécenos a posibilidade de adaptalo ao alumnado de Educación Infantil, xa que aborda o tema do soño, do ficticio.., é dicir, do mundo onírico, algo que a este tipo de lectores lles adoita gustar.
Un rato díxolle á lúa, a antoloxía da poesía de Antonio García Teijeiro feita por Fran Alonso e ilustrada por Xosé Cobas, con música de Paco Ibáñez, centrará o próximo sábado 29 de marzo a sesión do Club Lendo Contigo, de Espazo Lectura, e contará coa presenza do autor na Biblioteca de Gondomar.