Logo dun mes de ser editado, o libro de poemas A boca da terra, de Manuel Rivas, esgotou a súa primeira edición, confirmando unha aceptación excepcional por parte dos lectores e lectoras. Nestes momentos Xerais está a imprimir a segunda edición deste poemario tan demandado.
Ramón Nicolás publicou en La Voz de Galicia unha recensión crítica sobre a novela A galera de Xelmírez, de de Xabier Paz. Da galera á nave de cristal Dá xenio ler a Xabier Paz pois sempre arroupa con agarimo o seu rexistro literario e con el lévanos aos tempos, ben documentados e espellados con brillantez, da construción dunha galera que sufraga o arcebispo Xelmírez para combater as razzias dos sarracenos.
A revista Eco publicou unha longa entrevista de Teresa Rocamonde a Manuel Blanco Desar, coordinador do libro Galicia: un pobo con futuro? O noso devalo demográfico. (Fotografías de Miguel Muñiz). A entrevista pode lerse ou descargarse completa en pdf nesta ligazón.
La Voz de Galicia publicou unha información de Betsabé Domínguez sobre a próxima novela de Pedro Feijoo, Morena, perigosa e románica, que Xerais publicará a principios do vindeiro mes de outubro. Pedro Feijoo é autor de dúas novelas de moito éxito de público e crítica: Os fillos do mar (2012) e A memoria da choiva (2013), ambas as dúas galardonadas co Premio Literario Arcebispo Juan de San Clemente.
O Diario de Pontevedra publicou unha recensión sobre o libro Pontevedra nos anos do medo. Golpe militar e represión (1936-1939)», de Xosé Álvarez Castro. A rencensión pode lerse ou descargarse en pdf nesta ligazón.
O Diario Cultural da Radio Galega emitiu unha entrevista a Manuel Rivas sobre o libro de poemas A boca da terra. A entrevista pode escoitarse nesta ligazón.
Xosé Carlos Caneiro escribiu no seu artigo de La Voz de Galicia sobre Un animal chamado néboa, de Ledicia Costas. A néboa Adoitaba a dicir Gonzalo Torrente Ballester que a néboa facía vivir aos galegos nun mundo de marabilla, ficción, unha intrahistoria particular que os diferenciaba do resto do mundo. A súa literatura, e especialmente o lugar de Castroforte del Baralla, bebe dese universo distinto e distinguido.
Manuel Bragado, director de Xerais, publicou en Brétemas unha anotación sobre a tradución ao inglés de Polaroid de Suso de Toro. «Polaroid» de Suso de Toro en inglés Soubemos onte da recensión publicada en Winstonsdad’s blog sobre a tradución ao inglés de Polaroid de Suso de Toro realizada por Jonathan Dunne e publicada por Small Stations.
O Diario Cultural da Radio Galega emitiu unha opinión crítica de Chus Nogueira sobre a novela Son noxento, de María Xosé Queizán. A entrevista pode escoitarse nesta ligazón.
Francisco Martínez Bouzas publicou no seu blog Novenoites unha recensión crítica sobre o libro de fondo: Tal era vivir, de Xosé Vázquez Pintor. «Tal era vivir»: de novo épicos etnólogos de nós mesmos Con este terceiro volume, Tal era vivir, remata Xosé Vázquez Pintor, unha obra colosal que o noso sistema literario acolleu, como acontece de cotío, sen apenas se decatar.
Noticieirogalego.com publicou unha entrevista que lle fixo Carlos Loureiro Rodríguez a Roberto Salgueiro. Roberto Salgueiro: no teatro todo é visible Roberto Salgueiro, (Caracas, 1966) destaca como escritor e como director de teatro galego. A súa primeira obra publicada foi O arce do xardín (gañadora do Premio Álvaro Cunqueiro, 1988) e que foi levada ao ano seguinte á escena polo Centro Dramático Galego.
Ramón Nicolás publicou en La Voz de Galicia unha recensión crítica sobre Agosto de memoria e morte de Xoaquín Fernández Leiceaga. Un «thriller» cos ventos da historia O ex deputado socialista no Parlamento de Galicia e economista X.