Rubicundo de María Canosa; Misión Nova York, da serie Formig4s de Pere Tobaruela; O veleno da risa. Un misterio para Tintimán en Lugo, de Jaureguizar; A neve interminable, de Agustín Fernández Paz e De cristal, de Silvestre Gómez Xurxo, son os libros de Xerais elixidos finalistas nas diferentes categorías da XII edición do Premio Frei Martín Sarmiento.
O Diario de Pontevedra publicou unha entrevista de Lucía D. Bóveda a Andrea Maceiras, autora de Europa Express, obra gañadora do Premio Jules Verne de Literatura Xuvenil 2015.
O xornal La Voz de Galicia publicou unha entrevista de Xesús Fraga a Manuel Rivas sobre o seu novo libro de poemas A boca da terra.
A finais do pasado mes de xullo fallouse no Concello de Ribeira a V edición do concurso de novela curta «Cidade Centenaria», resultando gañadora a obra A cacería de Amadeo López Cobas, natural de Noia. Deste xeito consolídase un certame de novela curta do que xa resultaron gañadores Begoña Paz, Ignacio Silva, Goretti Fariña e David Pobra.
O blog Trafegando ronseis publicou unha anotación sobre O trompetista e a Lúa, de Xelís de Toro, ilustrado por María Lires. O trompetista e a Lúa Con ilustracións de María Lires publica Xerais este libro de Xelís de Toro: O trompetista e a Lúa. Unha aventura musical dunha persoa que, sobre todo, persegue os seus soños. E para conseguilos vai necesitar a axuda da mesma Lúa.
O sábado 22 de agosto, ás 20:30 horas, na Praza dos Libros de Carballo Manuel Rivas realizará un recital poético do seu libro A boca da terra.
O mércores, 12 de agosto, ás 20:15 horas, na Feira do Libro de Cee terá lugar a presentación do libro Rubicundo de María Canosa, ilustrado por Nuria Díaz.
O venres, 7 de agosto, ás 20:30 horas, no salón de plenos do Concello de Sanxenxo, organizada pola Librería Nós, terá lugar a presentación do libro Xose Filgueira Valverde. Biografía intelectual de Xesús Alonso Montero. No acto participarán o autor, Fernando Filgueira (presidente da Fundación Filgueira Valverde), Manuel Bragado (editor) e Xaime Corral (libreiro).