Menu Xerais

Arquivo mensual: Abril 2016

Actos de Xerais na Feira do Libro de Santiago 2016

Do 30 de abril ao 10 de maio, na Alameda,  terá lugar a Feira do Libro de Santiago 2016 na que Xerais ten organizados os actos seguintes: Día 2 de maio, luns, ás 20:00 h.: Presentación de De pergamiños, follas voandeiras e libros ao .gal  de Mercedes Queixas Zas con Manuel Bragado.   Día 3 de maio, martes, ás 20:30 h.: Presentación de O volframio en Varilongo de Carmen Blanco Ramos con Manuel Bragado.

«O volframio en Varilongo», Santa Comba de Xallas (1941-1963), de Carmen Blanco Ramos

A web Lermos.gal faise eco da publicación do libro O volframio en Varilongo, Santa Comba de Xallas (1941-1963), de Carmen Blanco Ramos.   «O volframio en Varilongo» de Carmen Blanco Ramos O volframio, ese sorprendente ouro negro que tantas cobizas, fortunas e soños moveu nos anos da Segunda Guerra Mundial, é o protagonista desta maxistral monografía sociopolítica (e aínda máis) da escritora Carmen Blanco Ramos.

Presentación en Mondoñedo de “Lendo lendas, digo versos” de Antonio Reigosa e Antonio G. Teijeiro

O domingo, 1 de maio, ás 12:30 horas, na Expo-Libro Mondoñedo, Praza Jaime Cabot, terá lugar a presentación do libro Lendo lendas, digo versos de Antonio García Teijeiro e Antonio Reigosa. Esta presentación forma parte do programa Mondoñedo é poesía 2016 que se desenvolve entre o sábado, 30 de abril e o domingo, 1 de maio.

Presentación en Padrón de “Faustino Rey Romero. Un evanxeo bufo” de Xosé Ricardo Losada

O venres, 29 de abril, ás 20:30 horas, no Auditorio Municipal de Padrón, terá lugar a presentación do libro Faustino Rey Romero. Un evanxeo bufo de Xosé Ricardo Losada. O acto está organizado polo concello de Padrón dentro da programación das Letras Galegas 2016.

El Hematocrítico: «Estou moi emocionado coa repercusión que tivo ‘Feliz Feroz’»

A xornalista e escritora María Solar entrevista a Miguel López, El Hematocrítico, na Revista Fin de Semana na TVG, sobre o seu libro Feliz Feroz. O lobiño riquiño, ilustrado por Alberto Vázquez. A entrevista pode verse nesta ligazón.

O mundo do volframio tentou numerosos autores de ficción e non ficción, como «O volframio en Varilongo», de Carmen Blanco Ramos. Artigo de X. L. Méndez Ferrín

O escritor X. L. Méndez Ferrín publicou no Faro de Vigo un artigo sobre a actualidade literaria e cinematográfica do volfram arredor da película «Lobos sucios» e o libro O volframio en Varilongo, Santa Comba de Xallas (1941-1963), de Carmen Blanco Ramos.

Antonio Manuel Fraga: «’Tártarus’ é unha novela de mulleres con valores que as afastan dos típicos»

Manuel Bragado, director de Xerais, publicou en Brétemas unha anotación sobre a presentación da novela Tártarus, de Antonio Manuel Fraga. «Tártarus» de Antonio Manuel Fraga Moito pagou a pena a presentación de Tártarus, a novela de Antonio Manuel Fraga, que fixemos na FNAC con motivo do día do libro.

Álex Alonso: «O meu libro de relatos é radiografía social: conflito lingüístico, paro, acoso escolar, política, delitos sexuais, Igrexa, educación, inmigración…»

O Diario Cultural da Radio Galega emitiu unha entrevista co escritor Álex Alonso sobre o seu libro de relatos Tempos de bebidas isotónicas e fast-food, XVII Premio de Narrativa Curta Ánxel Fole. A entrevista pode escoitarse nesta ligazón.

Ledicia Costas gaña o Premio dos Clubs de Lectura 2016 e tamén o Premio Losada Diéguez por «Un animal chamado Néboa»

A escritora Ledicia Costas, que se atopa na Feira do Libro de Bos Aires, foi recoñecida esta fin de semana con dous premios: O Premio dos Clubs de Lectura 2016, que concede a Asesoría de Bibliotecas Escolares, dependente da Consellería de Educación e Cultura, así como co Premio Antón Losada Diéguez no apartado de Literatura pola súa novela Un animal chamado néboa.

«O último día de Terranova», de Manuel Rivas, Premio Premio da Crítica, que tamén recoñece a María do Cebreiro no apartado de poesía

O escritor Manuel Rivas resultou galardoado esta fin de semanaco Premio da Crítica que concede a Asociación Española de Críticos Literarios (AECL) pola súa novela O último día de Terranova, publicada por Xerais. Así mesmo, a poeta María do Cebreiro alzouse co premio na modalidade de poesía, coa obra O deserto, publicada por Apiario.

Todo un acerto: «Catro cascarolos», de Marilar Aleixandre. Crítica de Ramón Nicolás

Ramón Nicolás publicou no Caderno da crítica unha recensión sobre o libro Catro cascarolos, de Marilar Aleixandre.   Catro cascarolos, de Marilar Aleixandre Particularmente, sempre leo con máximo interese posible o que unha voz como a de Marilar Aleixandre dea a coñecer. Tanto ten que sexa unha novela para o público adulto, poesía, literatura xuvenil ou, como neste caso, unha obra para un lectorado máis novo.

Presentación en Vigo de “Poemar o mar” de Antonio García Teijeiro

O venres, 29 de abril, ás 20:00 horas, na librería Librouro, rúa Eduardo Iglesias, 12, de Vigo, terá lugar a presentación do libro Poemar o mar de Antonio García Teijeiro. No acto participarán Ramón Nicolás, Helena Pérez e Antonio García Teijeiro.