Manuel Bragado, director de Xerais, publicou en Brétemas unha anotación sobre a presentación do libro Suite Artabria, de Manuel Lourenzo, Premio Álvaro Cunqueiro para textos teatrais 2016. Presentación de «Suite Artabria» de Manuel Lourenzo Presentamos no serán de onte na FNAC da Coruña Suite Artabria, a obra de Manuel Lourenzogañadora do Premio Álvaro Cunqueiro de textos teatrais 2016.
O Diario Cultural da Radio Galega publicou unha entrevista de Xiana Arias ao escritor Manuel Lourenzo González sobre a súa novela Ceiba de Luz, Premio Jules Verne 2017. A entrevista pode escoitarse nesta ligazón.
O programa Chamando á terra, da Radio Galega emitiu unha entrevista de María Solar ao escritor Santiago Lopo, Premio Xerais de Novela 2017, coa novela A arte de trobar. A entrevista pode escoitarse nesta ligazón.
O venres, 10 de novembro, ás 18:00 horas, no Salón de Plenos do Concello de Moaña, terá lugar a presentación do libro A señorita Bubble de Ledicia Costas con ilustracións de Andrés Meixide. No acto, organizado por Espazo Lector Nobel de Moaña en colaboración co Concello de Moaña, participarán Coral Ríos Santomé, Manuel Bragado e Ledicia Costas.
A guía de ocio infantil La Mariola publicou unha información sobre o álbum Violeta quere ser vampiro. Un conto de Samaín, de Ramón D. Veiga, ilustrado por David Sierra, que se presenta esta tarde no café Badía en Teis. Violeta quere ser vampiro. Un conto do Samaín A poucos días de celebrar o Samaín temos o conto perfecto: Violeta quere ser vampiro. Un libro escrito por Ramón D.
O programa Cada día un libro, da TVG, dedicoulle o seu espazo ao libro de poesía infantil Poemas birollos para ler cos ollos, de Fran Alonso, ilustrado e deseñado polo propio autor. O programa pode verse nesta ligazón.
Os días 7, 8, 9 e 10 de novembro, no Auditorio Baldomero Cores de Cee terán lugar as “I Xornadas do Libro Infantil e Xuvenil da Costa da Morte”. Nestas xornadas, organizadas polo Concello de Cee e Librería Ler, participarán, entre outros: Xosé Mª Lema con Costa do Solpor, que manterá un encontro, o día 9 ás 13:15 horas, coas alumnas/os de secundaria e bacharelato do IES Fernando Blanco.
O sábado, 4 de novembro, 2017, ás 12,30 horas, na librería Paz, rúa Peregrina, 29, Pontevedra, o “Vermú entre libros” estará dedicado á conversa de Ramón Rozas e Eli Ríos arredor da novela Luns gañadora do Premio Torrente Ballester de Narrativa en Lingua Galega, 2016.
O blog Trafegando ronseis publicou unha anotación sobre a novela infantil Muriel, de María Canosa, ilustrada por Lucía Cobo, Premio Merlín de Literatura Infantil 2017.
O blog Palabra de Gatsby publicou unha recensión de David González Domínguez sobre o libro A batalla da pequena Chañan Curi Coca, de Rosa Aneiros, ilustrado por Almudena Aparicio Andión. Recensión: Rosa Aneiros, A batalla da pequena Chañan Curi Coca En definitiva, e afortunadamente, a LIX non ten teito dentro da literatura galega.
O crítico Xosé Manuel Eyré publicou no seu blog Ferradura en tránsito unha recensión sobre a novela Demos de verán, de Miguel Vázquez Freire. Vida e caos Cando un home agacha entre as súas roupas unha potente bomba. Cando ese home sobe a un autobús cheo de xentes de diversa condición e angueiras na vida.
A escritora María Reimóndez resultou gañadora do I premio Agustín Fernández Paz de Narrativa Infantil e Xuvenil pola Igualdade, convocado polo Instituto de Estudos Chairegos e polo Concello de Vilalba e apoiado por Xerais. Manuel Bragado, director de Xerais, publicou en Brétemas unha anotación sobre o fallo do premio.