Menu Xerais

Arquivo mensual: Xuño 2018

Novidade: «O exército de fume», de Manuel Gago. Un poderoso relato de acción no que se mesturan historia, ficción e lenda

O exército de fume, de Manuel Gago, é unha novidade da colección Narrativa. Principios de 1942. Galicia vive dúas guerras ocultas ao tempo. Na costa, nazis e aliados combaten no mar e nos portos polo dominio do Atlántico. No interior, a resistencia enfróntase teimuda ao poder de Franco. Ata que todo se cruza. Unha mestra recibe o seu primeiro destino nunha distante aldea da Costa da Morte.

Héctor Cajaraville: «Malia o inxente labor educativo e humanitario que desenvolveu en Australia, para moitos galegos frei Rosendo Salvado segue a ser ‘o dos eucaliptos’.»

O suplemento Faro da Cultura do xornal Faro de Vigo publicou unha entrevista de Lourdes Varela ao escritor Héctor Cajaraville sobre a novela Nova Nursia. A entrevistas poden lerse ou descargarse en formato PDF nesta ligazón.

O regreso á poesía escrita dunha voz singular, máis reflexiva e modulada, que fala desde o límite, a fronteira, a fenda, a intersección: «Corpo», de Antón Lopo. Crítica de Chus Nogueira

O Diario Cultural da Radio Galega emitiu unha opinión crítica de Chus Nogueira sobre o libro de poemas Corpo, de Antón Lopo, premio Manuel Lueiro Rey de poesía. A entrevista pode escoitarse nesta ligazón.

Crúa poesía da desesperanza, da indefensión e das derrotas: «A crueldade de abril», crítica de Francisco Martínez Bouzas

Francisco Martínez Bouzas publicou nos xornais La Opinión e  Faro de Vigo unha recensión crítica sobre A crueldade de abril, de Diego Ameixeiras, que tamén se pode ler no blog Novenoites.

Xosé Benito Reza: «A miña teima era facer unha homenaxe e unha lembranza a aqueles pequenos universos cheos de luz que eran antes as vilas.» Entrevista no «Diario Cultural» por «Terradentro»

O programa Diario Cultural da Radio Galega emitiu unha entrevista co escritor Xosé Benito Reza sobre a súa novela Terradentro, Premio Losada Diéguez de creación literaria. A entrevista pode escoitarse nesta ligazón.

Novidade: «O que sei do silencio», de Andrea Maceiras. O acoso escolar desde a perspectiva dos que non fan nada para evitalo

O que sei do silencio, de Andrea Maceiras, é unha novidade da colección Fóra de Xogo. «Chámome Delia e son unha covarde. Esta é a historia de como acosamos a Silke durante os meses que estudou no noso instituto. E de como todo se nos foi das mans. Das miñas mans inútiles. E das manipuladoras mans de Xulia, Lara e Daniela. Das mans indiferentes de Marcos. Das sucias e miserables mans de Vítor.

Unha interesante mestura entre o xénero negro e a novela de indagación social: «Un home estraño», de Antonio Tizón. Crítica de Pilar Ponte

O suplemento Faro da Cultura de Faro de Vigo publicou unha recensión crítica de Pilar Ponte sobre a novela Un home estraño, de Antonio Tizón, Premio Cidade Centenaria de Ribeira en 2017. A recensión crítica pode lerse ou descargarse en formato PDF nesta ligazón.

Ánxela Loureiro: «RaMona, a protagonista, é unha ra moi actual, que rompe coas tradicións e os convencionalismos.» Faladoiro en Radiofusión arredor da obra infantil «Choiva de ras»

O club de lectura de Radio Fene escolleu a obra infantil Choiva de ras, de Ánxela Loureiro, e o faladoiro arredor do libro emitiuse en Radiofusión. O faladoiro pode escoitarse ou descargase nesta ligazón.

Cada páxina desta xenial proposta garda un motivo para aprender, para rir e para sorprenderse: «Animalia 1. Verde», de Xosé Tomás. Crítica en Trafegando Ronseis

O blog Trafegando Ronseis publicou unha anotación sobre a obra infantil Animalia 1. Verde, de Xosé Tomás. Animalia 1. Verde Xenial proposta a que realiza Xosé Tomás neste cómic para o lectorado máis novo: Animalia 1. Verde publicado por Xerais.

Unha biografía novelada construída desde o máximo respecto á figura histórica de Rosendo Salvado: «Nova Nursia», de Héctor Cajaraville. Crítica de Ramón Nicolás

O crítico e escritor Ramón Nicolás publicou no suplemento Fugas de La Voz de Galicia e no seu blog Caderno da Crítica unha recensión crítica sobre a novela Nova Nursia, de Héctor Cajaraville. A crítica pode lerse ou descargarse en formato PDF nesta ligazón.

Entre o reflexivo e o evocador, sempre co trasfondo da crítica e o compromiso social: «Street Poems», de Fran Alonso. Recensión de Armando Requeixo

O crítico Armando Requeixo publicou nos xornais El Ideal Gallego, Diario de Ferrol, Diario de Arousa e Diario de Bergantiños unha recensión crítica sobre Street Poems, de Fran Alonso. A recensión pode lerse ou descargarse en formato PDF nesta ligazón.

Manuel Gago: «Na literatura galega hai pouco novelado sobre os guerrilleiros e, cando se fai, refírese sempre á súa derrota.» Reportaxe de Jaureguizar sobre «O exército de fume»

O xornal El Progreso publicou unha reportaxe de Jaureguizar sobre a novela O exército de fume, de Manuel Gago. A reportaxe pode lerse ou descargarse en formato PDF nesta ligazón.