Menu Xerais

25 anos de «Rapazas», de Agustín Fernández Paz. Unha selección de títulos para a igualdade

A anos raíz de que se cumpren 25 anos da publicación de Rapazas, de Agustín Fernández Paz, a especialista Pilar Sampedro publicou unha selección de títulos para a igualdade. Reproducimos a información que publica Rede Lectura, o blog da Asesoría de Bibliotecas Escolares.

 

Rapazas 25 Literatura Infantil e Xuvenil Galega para a Igualdade

Pilar Sampedro,  experta en Literatura Infantil e Xuvenil (foi integrante do equipo da Asesoría de bibliotecas escolares),  vén de publicar co gallo da celebración dos 25 anos dapublicación de Rapazas de Agustín Fernández Paz dous taboleiros en Pinterest cunha selección de títulos para a igualdade. Esta mirada literaria é moi necesaria nestes tempos que nos tocan vivir, tanto para as persoas mediadoras como para os lectores e lectoras que precisan tamén de referentes femininas para construír un mundo igualitario e con perpectiva de xénero. 

  • Taboleiro no que se mostran aqueles libros dirixidos ao lectorado infantil e  nos que se mira (e le) con perspectiva de xénero
  • Taboleiro no que mostran aqueles libros dirixidos ao lectorado xuvenil e nos que se mira (e le) con perspectiva de xénero
Máis alá do mes de marzo, cómpre ter en conta estes materiais coa intención de equilibrar e completar as coleccións das bibliotecas escolares. Da mesma forma, débense  de valorar estes recursos á hora de programar actividades ou facer propostas para os grupos de lectura.

Deixa un comentario!