O escritor Diego Ameixeiras publicou no suplemento Fugas de La Voz de Galicia unha recensión crítica sobre o libro A contradición permanente. Conversa sobre cinco anos de política convulsa (2012-2017), de Martiño Noriega e Daniel Salgado.
O blog Palabras de man ao corazón, de Diana Pastoriza, publicou unha recensión sobre a novela A nena do abrigo de astracán, de Xabier P. DoCampo. Letters in Books: «A nena do abrigo de astracán» O sentido de pertenza. Belongingness. Unha necesidade humana de encaixar e de sentirse conectado a outros. Un traballo en equipo en tanto implica aceptación de parte do propio individuo e do grupo.
Antonio García Teijeiro publicou no seu blog Versos e aloumiños unha recensión sobre os álbums ilustrados Cincenta e as zapatillas peludas e Brancaneves e os 77 ananiños, de Davide Cali. Dúas propostas editoriais imprescindibles para o lectorado infantil Seguindo cos máis pequenos, falaremos hoxe de dúas propostas ben atraentes.
Manuel Bragado, director de Xerais, publicou en Brétemas unha anotación sobre aos aniversarios de Elixio Rodríguez e Celso Emilio Ferreiro. No aniversario de Celso Emilio e Elixio Rodríguez Poucas veces raparamos na coincidencia na data do 4 de xaneiro do nacemento de Elixio Rodríguez e Celso Emilio Ferreiro, o primeiro en Grou en 1910 e o poeta de Celanova en 1912.
O programa Chamando á terrra, da Radio Galega, emitiu unha opinión crítica de Malores Villanueva sobre Vidas post-it, o libro de relatos que descubriu a Iolanda Zúñiga. A opinión crítica pode escoitarse nesta ligazón.
O xoves 11 de xaneiro de 2018 a partir das 20:30 horas, a librería Bahía de Foz en colaboración co club de lectura da Asociación Cultural A Pomba do Arco, organizan un encontro para falar do libro A raíña das velutinas de Lionel Rexes XXIII Premio de Novela Curta Manuel Lueiro Rey. O club de lectura escolleu esta novela como lectura común para o pasado mes de decembro e agora manterán un encontro co autor.
O Diario Cultural da Radio Galega publicou unha entrevista de Xiana Arias ao poeta e contacontos Lois Pérez autor do libro Long Play. A entrevista pode escoitarse nesta ligazón.
O crítico Xosé Manuel Eyré publicou no seu blog Ferradura en tránsito unha recensión sobre a novela A arte de trobar, de Santiago Lopo, Premio Xerais 2017. O valor da cultura, o valor dunha novela Calquera libro ten un valor intrínseco e estimábel en función do que supón para o mantemento e progreso dunha cultura.
O blog Palabra de Gatsby publicou unha recensión de David González Domínguez sobre a novela Muriel, de María Canosa, Premio Merlín de Literatura Infantil 2017, ilustrada por Lucía Cobo. Recensión: María Canosa, «Muriel» Tras varios anos como finalista do Premio Merlín de literatura infantil, María Canosa fíxose co galardón en 2017 por Muriel, libro protagonista na recensión de hoxe.
O Diario Cultural da Radio Galega publicou unha entrevista de Xiana Arias ao escritor Lionel Rexes, sobre a súa novela A raíña das velutinas. A entrevista pode escoitarse nesta ligazón.
O crítico Ramón Nicolás publicou en Caderno da crítica unha recensión sobre a novela As cousas que non queremos oír, de María Reimóndez.
O mércores 10 de xaneiro de 2018, ás 20:00 horas, na Agrupación Cultural Auriense, praza do Correxedor, 11 de Ourense, terá lugar a presentación do libro Long Play de Lois Pérez. No acto participarán Camilo Valdehorras, Manuel Outeiriño e Lois Pérez.