Menu Xerais

Arquivo mensual: Setembro 2019

Novidade: «Viaxe ao futuro». Unha obra na que os cativos poderán atopar de seu respostas rápidas a preguntas enxeñosas

Viaxe ao futuro, de Larousse Editorial, con ilustracións de Bruno Martínez Tabarés, é unha novidade da colección Básicos Ciencia Infantil de Xerais.

Xerais e O Garaxe Hermético convocan o I Premio O Garaxe Hermético de Banda Deseñada, co obxectivo de fomentar a creación de cómic para o público infantil e xuvenil

  Durante o transcurso de Viñetas no Atlántico na Coruña, o pasado mes de agosto, Xerais e O Garaxe Hermético presentaron publicamente as bases da primeira edición do Premio O Garaxe Hermético de Banda Deseñada, que se fallará antes de final deste ano 2019 e que publicará Xerais.

O proceso de creación do material educativo, paso a paso. Noticia nos xornais Faro de Vigo e La Opinión

Os xornais Faro de Vigo e La Opinión publicaron unha noticia asinada por Ana Ramil sobre o making of dos libros de texto, na que as editoriais explican como é o proceso de creación do material educativo, coa participación de Xosé Manuel Moo, coordinador da edición educativa de Xerais. O artigo pode lerse ou descargarse en formato PDF nesta ligazón.

Novidade: «O ceo das reixas», de Eli Ríos. Unha novela que fala da invisibilización, dos silencios, da violencia e da linguaxe que constrúen cadeas imperceptibles arredor das mulleres.

O ceo das reixas, de Eli Ríos, é unha novidade da colección Narrativa de Xerais. Noelia está presa no módulo de respecto cando na cela contigua sucede algo grave. Ela, que é cirurxiá, séntese obrigada a intervir. Logo, da dirección da prisión solicítanlle que vixíe e informe sobre a súa nova compañeira de cela, Fina, unha vella que semellaba dócil pero coa que terá que manter un pulso complicado.

Un thriller psicolóxico no que a intriga se converte en mono para devorar unha páxina tras outra con avidez: «Infamia», de Ledicia Costas. Crítica na web Literaturbia

A web Literaturbia publicou unha recensión sobre o libro: Infamia, de Ledicia Costas, publicado por Xerais na colección Narrativa.   Segredos que engulle a néboa Como una extraña sinestesia, cuando empecé a leer Infamia, la nueva -y deliciosa- novela de Ledicia Costas publicada por Edicións Xerais, se me vino a la cabeza la musiquilla taciturna de Seronda, una de mis canciones favoritas de Nacho Vegas.

Ana Varela: «A poesía é ese espazo propio que se fai por gusto e que se le por gusto tamén». Noticia no xornal «La Voz de Galicia» co gallo da entrega do Premio López Abente

A escritora Ana Varela Miño recolleu no Salón do Voluntariado de Muxía o Premio Gonzalo López Abente pola obra: Onde nacen as hedras. O premio está convocado polo Concello de Muxía e a Fundación López Abente, tén unha dotación económica de 2.000 euros e implica tamén a publicación do libro por Xerais. A noticia foi recollida polo xornal La Voz de Galicia. (Foto do acto de entrega do premio.

Novidade: «O grupo», de An Alfaya. Cinco adolescentes alzan as súas voces para amosar a súa vulnerabilidade

O grupo, de An Alfaya, é unha novidade da colección Fóra de Xogo de Xerais. O libro gañou o XII Premio Raíña Lupa de Literatura Infantil e Xuvenil 2018.

Novidade: «Illas a sotavento», de Henrique Dacosta. Unha sorte de viaxe iniciática que non deixará indiferente a ninguén

Illas a sotavento, de Henrique Dacosta, é unha novidade da colección Narrativa de Xerais. O libro gañou o XXV Premio Manuel Lueiro Rey de Novela Curta Illas a sotavento é unha novela protagonizada por un grupo de amigos do lugar do Prioiro, na parroquia de Covas, que manteñen cos de Arriba unha rivalidade irracional.

Andrea Maceiras: «Os protagonistas desta historia guíanse polos seus soños para ir máis alá». Entrevista en «La Voz de Galicia» sobre: «Conta nove estrelas»

O xornal La Voz de Galicia, publicou unha entrevista de Ana Abelenda á escritora Andrea Maceiras sobre o libro: Conta nove estrelas, publicado por Xerais na colección Merlín. O artigo pode lerse ou descargarse en formato PDF nesta ligazón.

A plataforma de crítica A Sega homenaxea a Xela Arias. Noticia no «Praza Pública»

O xornal Praza Pública publicou unha noticia sobre a homenaxe a Xela Arias, organizada pola plataforma de crítica A Sega, que se celebrou no Parque do Castro de Vigo o día 15 de agosto de 2019. (Imaxe: Xulio Gil – Praza Pública). Nos anos 2014 e 2015 estivo entre as candidatas ao Día das Letras Galegas, pero non foi a escollida.

Novidade: «Da Carapuchiña ao señor Lamote», de Miguel Vázquez Freire. Unha ollada galega e orixinal da historia da literatura infantil e xuvenil

Da Carapuchiña ao señor Lamote, de Miguel Vázquez Freire, é unha novidade da colección LibroX de Xerais. Unha ollada galega e orixinal da historia da literatura infantil e xuvenil. Por que o lobo debe seguir comendo á Carapuchiña? Era Alicia unha nena burguesa? Contra a absurda concepción de opoñer unha cultura «elevada» fronte á literatura infantil e xuvenil. Un libro para coñecer a lix galega universal.

Novidade: «As estacións do lobo», de María Reimóndez. Unha obra que explora nos límites do amor e do arraigamento

As estacións do lobo, de María Reimóndez, é unha novidade da colección Narrativa de Xerais. É inverno, a neve cae sobre Múnic e Clara atópase perdida. Sen comprender moi ben como, errou o camiño que a levaba a converterse nunha brillante adestradora canina no seu Lugo natal e rematou alá, nun banco conxelado do Englischer Garten. Todo por aquilo que a xente denominaba «amor».