Menu Xerais

Arquivo mensual: Outubro 2019

Unha obra moi necesaria da que xa podemos gozar nunha nova edición: «Vinte mil leguas baixo dos mares», de Jules Verne. Anotación en «La Voz de Galicia»

O xornal La Voz de Galicia publicou unha anotación de Eduardo Rolland sobre o libro: Vinte mil leguas baixo dos mares, de Jules Verne, con ilustracións de Dani Padrón. O libro está publicado por Xerais na colección: Xabarín. A recensión pode lerse ou descargarse en formato PDF nesta ligazón.

Canto sabes do tempo en Galicia? A revista GCiencia publica un test de 12 preguntas a partir do libro: «Os tempos e o clima de Galicia»

GCiencia, a revista on line de xornalismo e divulgación, publicou un test de 12 preguntas formuladas a partir do libro: Os tempos e o clima de Galicia, do que son autores Alberto Martí, Juan José Taboada, Dominic Royé e Xavier Fonseca. O libro está publicado por Xerais na colección Básicos Ciencia. Ao test pode accederse dende a seguinte ligazón.

Ledicia Costas: «A miña intención con este libro foi abrir un debate sobre o lonxe, no peor dos sentidos, que pode chegar o ser humano». Entrevista en Radiofusión sobre: «Infamia»

Infamia, de Ledicia Costas, protagonizou un novo encontro do clube de lectura de Radio Fene Radiofusión, no que participaron Henrique Sanfiz, Esther Val, Tatty Lavandeira e Andrés C.M. Riveira, ademais do autor. O libro está publicado por Xerais na colección Narrativa. A peza pode escoitarse ou descargarse nesta ligazón.

Astérix regresa en galego cunha historia protagonizada por unha adolescente: «Astérix: A filla de Vercinxetórix». Anotación no xornal «Praza Pública»

O xornal Praza Pública publicou unha anotación sobre o libro: Astérix: A filla de Vercinxetórix, de René Goscinny e Jean-Yves Ferri, con ilustracións de Albert Uderzo e Didier Conrad. O libro está publicado por Xerais na colección Cómics.

A primeira recollida sistemática de mitoloxía galega dende a Xeración Nós: «Dicionario dos seres míticos galegos». Anotación no xornal «Sermos Galiza»

O xornal Sermos Galiza publicou unha anotación asinada por Daniel Salgado sobre o libro: Dicionario dos seres míticos galegos, de Xoán R. Cuba, Xosé Miranda e Antonio Reigosa, ilustrado por Lázaro Enríquez, con motivo de cumprirse 20 anos da súa saída ao prelo.   O que en verdade somos O ‘Dicionario dos seres míticos galegos’ é un deses libros que inventa mundos. Ou máis ben rescátaos.

Unha obra dura e difícil que arrepía e trastorna a nosa percepción do pasado: «Un animal chamado néboa», de Ledicia Costas. Anotación no blog da Axencia de Lectura de Meiro

O blog que publica a Axencia de Lectura de Meiro publicou unha recensión crítica asinada por Daniel Chapela sobre o libro: Un animal chamado néboa, de Ledicia Costas, publicado por Xerais na colección Narrativa. O libro gañou o XXXI Premio Losada Diéguez (Creación Literaria), 2016.   ‘Un animal chamado néboa’, de Ledicia Costas Ninguén sabe cando vai rematar o pesadelo do asedio.

Acto conmemorativo do 25 Aniversario da publicación de “En salvaxe compaña” de Manuel Rivas

O venres 8 de novembro de 2019, ás 19:30 horas, na librería Moito Conto, rúa San Andrés 35, A Coruña, terá lugar un acto literario musical en conmemoración do 25 aniversario da publicación de En salvaxe compaña de Manuel Rivas, Premio da Crítica 1994. No acto participarán Dores Tembrás, César Morán e Manuel Rivas.

Miguel Ángel López: «Os rapaces necesitan sorprenderse, abraiarse, para quedar atrapados cun libro para sempre». Entrevista en «La Opinión» sobre: «Rapunzel con piollos»

O xornal La Opinión publicou unha entrevista de Selina Otero a Miguel Ángel López (El Hematocrítico) sobre o libro: Rapunzel con piollos, publicado por Xerais na colección Pequeno Merlín. (Imaxe: Daniel Puente – La Opinión).

Un libro socarrón e cheo de retranca que agocha unha crítica moi seria ao clasismo social: «Os días felices de Benvido Seixas», de Eduard Velasco. Crítica en Trafegando Ronseis

O blog Trafegando Ronseis  publicou unha anotación sobre o libro: Os días felices de Benvido Seixas, de Eduard Velasco, publicado por Xerais na colección Narrativa. Os días felices de Benvido Seixas, de Eduard Velasco Supoño que non me tería achegado a esta novela se non houbese unha persoa que me asegurase que era divertidísima; ante isto, imposible negarse: andamos faltos de humor na nosa literatura.

Unha oportunidade única para indagar nos títulos que construíron o canon da literatura para nenos e nenas: «Da Carapuchiña ao señor Lamote», de Miguel Vázquez Freire. Crítica en Lecturafilia

O blog Lecturafilia publicou unha recensión de Tensi Gesteira sobre o libro Da Carapuchiña ao señor Lamote, de Miguel Vázquez Freire, publicado por Xerais na colección LibroX.   Da Carapuchiña ao señor Lamote, de Miguel Vázquez Freire (Xerais)   Hai un tempo que me interesa afondar na literatura infantil e xuvenil, e na historia da súa xénese.

Presentación en Santiago de “A morte de Galicia” de Isidro Dubert (ed.)

O mércores 6 de novembro de 2019, ás 19:30 horas, na libraría Couceiro, Praza de Cervantes 6, en Santiago, terá lugar a presentación do libro A morte de Galicia de Isidro Dubert (ed.). No acto participarán Ramón Villares, Francisco Xavier González García, Fran Alonso e Isidro Dubert.

Narciso de Gabriel: «Marcela casa embarazada con Elisa e aí ábrense varias hipóteses». Reportaxe no «Faro de Vigo» sobre: «Elisa e Marcela. Amigas e amantes»

O xornal Faro de Vigo publicou unha reportaxe asinada por Elena Ocampo sobre a charla-coloquio que se celebrou no Club Faro de Vigo sobre Elisa e Marcela, na que participou o catedrático Narciso de Gabriel, autor do libro: Elisa e Marcela. Amigas e amantes, publicado por Xerais na colección Grandes Obras – Edicións Singulares. O artigo pode lerse ou descargarse en formato PDF nesta ligazón.