Menu Xerais

Novidade: «Revolución Detrito», de Xosé de Cea. Cando a fantasía se converte na válvula de escape dunha realidade atroz


Revolución Detrito,
de Xosé de Cea, é unha novidade da colección Fóra de xogo de Xerais. O libro foi finalista do XII Premio Raíña Lupa de Literatura Infantil e Xuvenil

Ticho é un neno de once anos que malvive nunha chabola xunto co seu pai eivado e a súa irmá Area. El traballa de sol a sol nunha mina de carbón e a irmá fai outro tanto nun vertedoiro de lixo. É a única saída que teñen para sobrevivir na República de Ocidia, un país gobernado con man de ferro por un ditador tan extravagante como sanguinario.

A vida de Ticho estará marcada por ese traballo inhumano para un rapaz, pola ausencia da nai e por buscar na fantasía a válvula de escape a unha realidade tan atroz.

Podería ter sido a biografía cotiá de millóns de nenos e nenas en todo o mundo, pero Ticho cruzarase cun trasno na mina onde traballa e ese feito revolucionará a súa existencia e a da súa xente.

E non, isto non é un conto marabilloso.

Deixa un comentario!