Menu Xerais

Novidade: «Un peixe no parqué», de Ramón Vilar Landeira. Un atlas de vidas en combustión a medio camiño entre a novela e o libro de relatos

Un peixe no parqué, de Ramón Vilar Landeira, é unha novidade da colección Narrativa de Xerais.

Un peixe no parqué é un atlas de vidas en combustión, de faíscas acesas debaixo da borralla.

A medio camiño entre a novela e o libro de relatos, Ramón Vilar Landeira ofrécenos unha narración ateigada de ironía e humor, que trata das parellas que os sábados cean sushi diante da televisión; das pintadas máis insidiosas no váter da facultade; da xente que guinda preservativos dende os seus autos; do olor a naftalina na entreperna; dos camións que veñen de fronte pola estrada comarcal; da funcionalidade das casas prefabricadas; das clases medias e de Le Monde diplomatique; e, sobre todo, dos flashes dos teléfonos móbiles.

Un peixe no parqué é ficción cosida coa vida cotiá, que non esquece as contradicións, silencios e esgazamentos da condición humana; ficción na que resoan os ecos deses golpes que o paso do tempo dá no rostro e no corazón ao decatarnos de que todo cambia.

Deixa un comentario!