Menu Xerais

Arquivo anual: 2020

Os libros infantís máis esperados e celebrados: «Tres bichicomas, dúas illas e unha serea», de Rosa Aneiros e «Unha fábrica de bicos», de María Canosa. Reportaxe no xornal «La Voz de Galicia»

O xornal La Voz de Galicia, publicou unha reportaxe asinada por Olalla Sánchez sobre as novidades editoriais para a rapazada, con mención a dous títulos publicados por Xerais: Unha fábrica de bicos, de María Canosa e Tres bichicomas, dúas illas e unha serea, de Rosa Aneiros. O artigo pode lerse ou descargarse en formato pdf nestas ligazóns: Os libros infantís máis esperados e celebrados. La Voz de Galicia 1.

Un interesante cómic científico para a rapazallada: «A proba de auga», de Anémona de Río. Crítica en Trafegando Ronseis

O blog Trafegando Ronseis publicou unha anotación sobre o libro: A proba de auga, de Anémona de Río, publicado por Xerais na colección Cómics. O libro gañou o I Premio de Banda Deseñada O Garaxe Hermético.

Unha proposta moi acaída para as recomendacións lectoras do verán: «Vampira de biblioteca», de Ledicia Costas e Víctor Rivas. Recomendación do blog «Rede Lectura»

Rede Lectura, o blog da Asesoría de Bibliotecas Escolares, recomenda o libro: Vampira de biblioteca, de Ledicia Costas, con ilustracións de Víctor Rivas, publicado por Xerais na colección: Merlín.   «Vampira de biblioteca», de Ledicia Costas   Vampira de biblioteca é o último libro que vén de publicar a escritora Ledicia Costas con ilustracións de Víctor Rivas na colección Merlín de Xerais.

Unha aventura infantil audaz, imaxinativa e transgresora: «O Chispas», de Manuel Rivas. Anotación de Manuel Bragado

O editor Manuel Bragado publicou unha anotación no seu blog Brétemas sobre o libro: O Chispas, de Manuel Rivas, con ilustracións de Sonia García Vidal, publicado por Xerais na colección Sopa de Libros.

Antonio Reigosa: «A intención deste libro é alentar aos lectores a recoller pola súa conta historias»: «Guía de campo da Galicia Encantada». Entrevista no blog do Consello da Cultura Galega

O blog Cultura Galega, do Consello da Cultura Galega, publicou unha anotación sobre o libro: Guía de campo da Galicia Encantada, de Antonio Reigosa, ilustrado por Noemí López e publicado por Xerais na colección LibroX.

Un libro para que o público mozo se poida achegar a Carvalho Calero dunha forma amena, rigorosa e práctica: «Ricardo Carvalho Calero. A pegada do compromiso», de Héctor Cajaraville. Anotación de María Navarro no Faro de Vigo

O xornal Faro de Vigo publicou unha anotación de María Navarro sobre o libro: Ricardo Carvalho Calero. A pegada do compromiso, de Héctor Cajaraville, publicado por Xerais na colección Merlín. O artigo pode lerse ou descargarse en formato PDF nesta ligazón.

Presentación virtual do libro “A semente, a árbore, a froita”

O mércores 10 de xuño, a partir das 18:00 horas, a través do Facebook Live, terá lugar a presentación do libro A semente, a árbore, a froita. Ana Pontón en conversa con María Reimóndez. No acto participarán Ana Pontón, Candidata á Presidencia da Xunta de Galiza; María Reimóndez, Escritora e activista feminista. Presenta Fran Alonso, Director de Xerais. Aquí o enlace para asistir: https://facebook.

Pedro Feijoo: «Nesta novela teño o gran reto de cara o lector de manter o suspense do principio ao final»: Entrevista no xornal «La Región» sobre: «Un lume azul»

O xornal La Región publicou unha entrevista de Mónica Vázquez Lopo ao escritor Pedro Feijoo sobre o libro: Un lume azul, publicado por Xerais na colección Narrativa.

Novidade: «Meigas fóra!», de Ramón D. Veiga e Iván Rodríguez. Un divertidísimo conto que propón unha reflexión sobre o desastre ao que nos poden levar determinados comportamentos

Meigas fóra!, de Ramón D. Veiga, con ilustracións de Iván Rodríguez Castro, é unha novidade da colección Merlín de Xerais. Entre as vilas de Leira e Beira había moita rivalidade. Unha noite de San Xoán, os veciños e as veciñas decidiron rematar coas envexas e as porfías dos seus mandatarios. Desde entón viven felices en Feira, onde cada 23 de xuño a súa cacharela refulxe coma ningunha outra.

Un libro de divulgación sobre a realidade e a historia do país: «Galicia contada aos non galeguistas», de Manuel Veiga Taboada. Entrevista na revista «Cultura Galega»

A revista Cultura Galega, do Consello da Cultura Galega, publicou unha entrevista de Manuel Gago ao xornalista e escritor Manuel Veiga Taboada sobre o libro: Galicia contada aos non galeguistas, publicado por Xerais na colección: Ensaio.

A metáfora dos silencios: «O que non sabías», de Elba Pedrosa. Crítica de Ramón Nicolás

O escritor e crítico literario Ramón Nicolás publicou no suplemento Fugas, de La Voz de Galicia e no seu blog Caderno da Crítica unha anotación sobre o libro: O que non sabías, de Elba Pedrosa, publicado por Xerais na colección Narrativa. O artigo pode lerse ou descargarse en formato PDF nesta ligazón.

Novidade: «Ei, superavó!», de Paul McCartney. Unha historia xenial para toda a familia escrita pola lenda do pop

Ei, superavó!, de Paul McCartney, con ilustracións de Kathryn Durst e tradución de Anaír Rodríguez, é unha novidade da colección Pequeno Merlín de Xerais. O avó é un aventureiro que sabe facer cousas incribles… Queres coñecelo? Co seu compás máxico, leva os seus netos e netas a vivir trepidantes aventuras.