Menu Xerais

Chus Pato participará no Festival Internacional de Poesía de Rotterdam

O xornal Semos Galiza informa da participación de Chus Pato no Festival Internacional de Poesía de Rotterdam.

 

Chus Pato participa no Festival Internacional de Poesía de Rotterdam

O Festival Internacional de Poesía de Rotterdam comeza a 43 edición o próximo día 10 de xuño coa ceremonia de apertura dun programa literario que conta coa presenza da poeta galega Chus Pato.

En xa máis de catro décadas de realización o Festival Internacional de Poesía de Rotterdam consolidouse como un dos encontros máis sólidos e lonxevos dos desenvolvidos en Europa. Poetas de todo o mundo teñen participado nas anteriores edicións, dando ao certame renome internacional e un posto de privilexio nas citas literarias internacionais. Nesta 43 edición, o Festival de Poesía de Rotterdam conta no seu programa coa presenza da galega Chus Pato, que participa canda poetas como Mauricio André de Brasil, Aurora Sascha de Pakistán, Dolores Dorante de México, B. Zwaal de Holanda ou Inuo Taguchi de Xapón.

O Festival de Rotterdam recoñece en Chus Pato unha das voces máis orixinais e rompedoras da poesía galega contemporánea. No perfil que recolle na súa páxina oficial, destacan da traxectoria da escritora a publicación no ano 2000 do libro M-Talá, que, ao seu ver, supón unha ruptura dentro da literatura poética galega. Definen a autora como “feminista e independentista” e fan tamén referencia á situación da lingua galega que resistiu “as presións centralistas administrativas e sociais que aínda a ameazan hoxe en día”.

Deixa un comentario!