Menu Xerais

«Valados», entrevistas a Agustín Fernández Paz

Con motivo da presentación realizada onte na Casa do Libro de Vigo de Valados, Agustín Fernández Paz foi entrevistado por Faro de Vigo e Xornal de Galicia.

En ambos os dous textos, Fernández Paz sinala que a idea deste libro «xurdiu dunha das clases de Segundo de Bacharelato, cando lles mandaba elaborar un texto a partir dunha noticia na prensa para que practicaran redacción. Nunha semana, deille dúas fotos, unha do valado de arames de Ceuta e Melilla e outra do muro entre Palestina Israel. A min, pareceume que sería unha idea formidable para face-lo meu texto. Esa foi a semente para un traballo de dous anos nos que fixen 12 redaccións. É unha obra moi traballada.»

Con respecto ao obxectivo de Valados, Agustín expresa que súa intención foi «narrar as consecuencias que pode ter nas vidas das persoas a existencia destes muros que afondan na desigualdade. Eu quería unha historia como un alegato contra tódolos muros. Creei unha sociedade nunha vila, na que están primeiro os muros invisibles que propician a división. Estes, despois, acabna cristalizando nun muro de arame e de cemento. É un texto que ten a súa dureza, pero que está escrito coa delicadeza posible e que deixa un asomo esperanza.»

Na presentación de Valados interviu Alberto Estévez, voceiro de Amnistía Internacional en Vigo que gabou a obra e a contextualizou no traballo que desenvolve AI en España a prol do dereito de asilo e da ampliación de deereitos á poboación inmigrante, en contra do racismo. No acto proxectouse un audiovisual sobre os muros existentes no mundo, preparado por David Rodríguez sobre un guión literario do propio Fernández Paz.

Foto: Sonia Daponte. Xornal de Galicia

Comentarios pechados