Menu Xerais

«Florentino, o príncipe Quino», novo libro de Gloria Sánchez

Estes días chegou ás librerías Florentino, o príncipe Quino, o novo libro de Gloria Sánchez que Xerais publica en formato álbum na colección Merlín, ilustrado por Xan López Domínguez.

Nun país habitado por corrichos, o máis porcallán de todos eles era Martiño, o rei. Todo o país era unha auténtica inmundicia, del emanaba un cheiro tan fedorento que ata os paxaros que pasaban voando por riba do reino caían ao chan privados do sentido. Un día a raíña, Morriña da Corticela, tivo un corricho, ao que chamaron Quino. O príncipe a medida que ía medrando amosaba unha conduta inusual e contraria ás normas. Algo non ía ben.

Comentarios pechados