Menu Xerais

María Reimóndez gaña o premio Plácido Castro de tradución

Segundo informa hoxe A Nosa Terra, María Reimóndez foi a gañadora da VIIIª edición do Premio Plácido Castro de tradución en lingua galega pola súa versión de Mary Prince, unha escrva das indias occidentais. O premio Plácido Castro é o único neste ámbito que existe en Galicia e está dotado economicamente con 3.000 euros.

O xurado estivo composto por Xosé María Gómez Clemente (Asociación Galega de Profesionais da Tradución), Xosé Castro Rato (Fundación Prácido Castro), Xosé Luis Axeitos (Real Academia Galega), Ana Luna (Universidade de Vigo) e Carlos Arias (Xunta de Galicia).

O acto de entrega do VIII Premio Plácido Castro de Tradución terá lugar en Vilagarcía de Arousa o próximo 17 de outubro, o mesmo día que se inaugurará na localidade pontevedresa unha rúa co nome do intelectual galleguista.

Os nosos parabéns para María Reimóndez que nestas semanas realiza unha xeira de presentacións por diversas localidades galegas de Pirata, a súa novela máis recente.

Comentarios pechados