Menu Xerais

Novidade: «Poemas birollos para ler cos ollos», escrito e ilustrado por Fran Alonso. Ler un poema coma quen ve un cadro

Poemas birollos para ler cos ollos, escrito e ilustrado por Fran Alonso, é unha novidade de poesía infantil para primeiros/as lectores/as da colección Sopa de Libros

Poemas birollos para ler cos ollos é un libro de poesía infantil que parte dunha concepción lúdica, divertida e transgresora da poesía. Os poemas nacen de dúas fontes fundamentais: a poesía visual e a oralidade. Botando man do elemento gráfico para facer que os poemas se lean coma se fosen cadros e buscando a complicidade das cancións infantís, dos arrolos e das sortes, Fran Alonso fai neste libro unha proposta sorprendente e modernizadora. O resultado é un libro moi accesible que sitúa a poesía moi próxima á sensibilidade das nenas e nenos de hoxe.

Comentarios pechados