Menu Xerais

Fernández Paz e Justo Beramendi, Premios AELG 2007

Fernández Paz e Justo Beramendi, Premios AELG 2007

No seo da Cea das Letras, celebrada onte en Santiago, Agustín Fernández Paz e Justo Beramendi recibiron os Premios AELG 2007 correspondentes ás categorías de Libro infanto-xuvenil e Ensaio, respectivamente. Os premios foron concedidos tras as votacións realizadas por 367 membros da AELG e, no caso do premio infanto-xuvenil, tamén polos de GALIX.

“As mellores intencións”

“As mellores intencións”

Outro libro que acaba de chegar ao almacén é As mellores intencións, a primeira novela de Begoña Paz, gañadora do Premio de Narrativa breve centenario do Concello de Riveira. Nas librarías na primeira semana de maio. As vidas de Gabriel e Lis encóntranse en Aldara, a cativa a quen el quere salvar, a quen ela só sabe odiar.

“A represión lingüística en Galicia”

“A represión lingüística en Galicia”

Inmersos nun profundo debate sobre o futuro da lingua, acaba de chegarnos ao almacén A represión lingüística en Galiza no século XX (Aproximación cualitativa á situación sociolingüística de Galiza), o voluminoso libro (case 900 páxinas) profesora pontevedresa María Pilar Freitas Juvino. Cremos que estamos diante dunha contribución decisiva e moi clarificadora para abordar este debate fulcral para a sociedade galega.

Nova entrevista a Xosé Lois Ripalda

Xosé Lois Ripalda, autor d’ A cultura do pan, é entrevistado no Faro da Cultura.

“Incertos”, primeira crítica

“Incertos”, primeira crítica

Incertos, o primeiro libro de relatos de Antón Dobao, conta dende hoxe coa súa primeira crítica. Dolores Martínez Torres publica en Faro da Cultura un interesante traballo que debulla cada un destes contos sobre a identidade e a aparencia.

“A lúa dos Everglades”, crítica interesante

“A lúa dos Everglades”, crítica interesante

Xosé Manuel Eyré publica unha interesante crítica d’ A lúa dos Everglades a novela de Xesús Manuel Marcos, gañadora do premio de narrativa Terra de Melide 2007. Transcribimos un dos parágrafos do texto. “A lúa dos Everglades de Xesús Manuel Marcos obtivo o galardón do sétimo certame melidense. Trátase dunha boa novela, do melloriño que a narrativa galega do ano pasado nos deixou.

Presentación de dúas obras de Varela Buxán

Presentación de dúas obras de Varela Buxán

O vindeiro sábado, 26 de abril, ás 20:00 horas, presentaremos no Teatro Principal da Estrada Se o sei… non volvo á casa e Taberna sen dono, as dúas pezas de Manuel Varela Buxán, publicadas na colección Biblioteca das Letras Galegas en edición de Xosé Luna.

Presentación “O segundo sexo” en Vigo

Presentación “O segundo sexo” en Vigo

O vindeiro venres, 25 de abril, ás 20:00 horas, na Libraría Librouro de Vigo realizarase a presentación do primeiro tomo d’ O segundo sexo de Simone de Beauvoir en Vigo. No acto participarán María Xosé Queizán, Marga Rodríguez Marcuño (tradutora da obra), Manuel Bragado e Carme Adán. Aquí pode atoparse información sobre a primeira presentación da obra, coeditada por Xerais e a Secretaría Xeral de Igualdade.

“A casa da luz” será levada ao cine

“A casa da luz” será levada ao cine

A casa da luz, a novela de Xabier P. Docampo, publicada na nosa colección Sopa de Libros, será levada ao cine este ano polo director Carlos Amil Serantes e producida por Vimbio Filmes. A película será “unha das primeiras longametraxes de imaxe real para nenos” que se realicen en Galicia e será rodada integramente en galego.

“A idade da auga”

“A idade da auga”

Cesare publica no seu blog As túas balas unha anotación sobre a súa lectura d’ A idade da auga, o libro de James R. Salter que apareceu o pasado mes de xaneiro. Recollemos un anaco: “Sempre crin que o que máis me gustaba da escrita de Uxía Casal era que non parecía galega, senón alieníxena.

Xurxo Souto e Fernández Paz en Literactúa

Xurxo Souto e Fernández Paz en Literactúa

Xurxo Souto con Tres trebóns e Agustín Fernández Paz con O único que queda é o amor participaron nos vindeiros meses no programa Literactúa, organizado polo concello de Carballo.

“Herba moura” en italiano e holandés

“Herba moura” en italiano e holandés

Hoxe recibimos as edicións italiana e holandesa da novela Herba moura de Teresa Moure. A edición italiana Le tre donne di Cartesio , cunha tirada de 14.000 exemplares e encadernación en tapa dura, foi preparada pola editorial Corbaccio do Gruppo Editoriale Mauri Spagnol. A holandesa Nachtschade, cunha tirada de 3.000, tamén en tapa dura, apareceu na editorial Signatuur.