Menu Xerais

Pablo L. Orosa: «Foi nun traxecto en autobús por Laos onde lle atopei sentido ao que quería contar nesta novela.» Entrevista no blog Palabra de Gatsby sobre «Fálame do silencio»

O blog Palabra de Gatsby publicou unha entrevista de David González Domínguez a Pablo L. Orosa sobre a novela Fálame do silencio. Pablo L. Orosa: «A miña idea era escribir unha historia sobre a periferia das conciencias, sobre iso que se rompe cando tomamos decisións que sabemos que terán consecuencias.» Pablo L. Orosa (Oza dos Ríos, A Coruña, 1985) é xornalista.

As memorias dun home ao que lle cabía Galicia na cabeza: «Conversas con Paco del Riego», de Perfecto Conde. Artigo de Jaureguizar

O xornal dixital Galiciaé publicou un artigo de Jaureguizar sobre Conversas con Paco del Riego, de Perfecto Conde.   Os cinco disparos de Paco del Riego Perfecto Conde publica unha entrevista fascinante con Francisco del Riego. O libro traza unha xenealoxía moral sobre a traizón e o perdón na cultura galega.

Programa de Xerais na Feira do Libro da Coruña 2018

Do 1 ao 10 de agosto de 2018 terá lugar, nos Xardíns de Méndez Núñez, unha nova edición da Feira do Libro da Coruña e na que Xerais ten programados os seguintes actos: Mércores 1 de agosto de 2018 19:00 h. Presentación de O exército de fume de Manuel Gago en conversa con Manuel Bragado Xoves 2 de agosto de 2018 19:45 h.

Camiños literarios que nos levan por espazos vencellados ao suspense, ao romanticismo e á descuberta da memoria colectiva, e que non deixan a ninguén indiferente: «Fálame do silencio», de Pablo L. Orosa. Crítica de Ramón Rozas

O xornal dixital Galiciaé publicou unha recensión de Ramón Rozas sobre a novela Fálame do silencio de Pablo L. Orosa. Os silencios do tempo Fálame do silencio, escrito polo xornalista Pablo L. Orosa, convértese nun abraiante debut no terreo literario que nos enfronta á descuberta do pasado, así como o propio descubrimento interior de quen fai dese pasado unha necesidade para coñecerse a si mesmo.

Unha novela que se pode entender como un docudrama, a medio camiño entre a ficción (pouca) e a realidade (moita): «Lapis na noite», de Ramón Nicolás. Crítica de Vicente Araguas

O crítico Vicente Araguas publicou no suplemento Nordesía do Diario de Ferrol unha recensión sobre a novela Lapis na noite, de Ramón Nicolás.

Manuel Gago: «Unha novela sempre é ficción, pero ás veces as cousas que semellan máis fantásticas son as verídicas e as que parecen verdade non o son.» Entrevista en «Galicia Confidencial»

O diario dixital Galicia Confidencial publicou unha entrevista a Manuel Gago sobre a súa novela O exército de fume (Imaxe: Sole Felloza / Galicia Confidencial). Manuel Gago: «En Galicia semella que non temos heroes, os heroes sempre son doutros lugares» GC fala con Manuel Gago, o autor de “O exército de fume”.

Un libro testemuñal e exemplar para tomar conciencia de que un mundo mellor é posible: «Lapis na noite», de Ramón Nicolás, no espazo «Cada día un libro» da TVG

O programa Cada día un libro da TVG dedicoulle o seu espazo á novela Lapis na noite, de Ramón Nicolás. O programa pode verse nesta ligazón.

Fran Alonso: «Concibo a literatura como exploración, como xeito de experimentación.» Entrevista de Montse Dopico en «Praza Pública»

O xornal dixital Praza Pública publicou unha entrevista de Montse Dopico ao escritor Fran Alonso, director de Edicións Xerais de Galicia, sobre os libros de poemas Terraza e Street Poems, ademais de Estado de malestar, unha proposta poética desenvolvida a travésa da rede social Twitter (imaxe: Praza Pública).

Unha achega novelística sobre as relacións sentimentais e o contraditorio da condición humana co pano de fondo da invasión napoleónica e coa música como elemento inspirador: «Claro de lúa», de Puri Ameixide. Crítica de Ramón Nicolás

O crítico Ramón Nicolás publicou no blog Caderno da Crítica unha anotación sobre a novela Claro de lúa, de Puri Ameixide.

Unha historia que engancha, consciente do seu destinatario e escrita dende unha posición activa e sensible: «O que sei do silencio», de Andrea Maceiras. Crítica en Palabra de Gatsby

O blog Palabra de Gatsby publicou unha recensión de David González Domínguez sobre a novela xuvenil O que sei do silencio, de Andrea Maceiras, finalista do Premio Raíña Lupa 2017. Recensión: Andrea Maceiras, «O que sei do silencio» As historias de Andrea Maceiras sempre son ben recibidas no mercado literario tanto pola súa calidade como polas súas diferentes temáticas dentro do ámbito xuvenil.

Unha conxunción desde o humor entre o mundo da ilustración e unha singular proposta narrativa: «Animalia 1. Verde», de Xosé Tomás, no espazo «Cada día un libro» da TVG

O programa Cada día un libro da TVG dedicoulle o seu espazo ao cómic Animalia 1. Verde, de Xosé Tomás. O programa pode verse nesta ligazón.

Ramón Nicolás: «O trato cotián con adolescentes levoume a pensar o que podería ocorrer con aqueles que, comprometidos cos problemas sociais, se visen abocados á clandestinidade.» Entrevista de Montse Dopico en «Praza Pública» sobre «Lapis na noite»

O xornal dixital Praza Pública publicou unha entrevista de Montse Dopico ao escritor Ramón Nicolás sobre a novela Lapis na noite (imaxe: Praza Pública).