Menu Xerais

«As estacións do lobo», de María Reimóndez, entre os máis recomendados na Tabela dos Libros de outubro

As estacións do lobo, de María Reimóndez, é un dos libros recomendados polos críticos na Tabela dos Libros do mes de outubro de 2019. O libro está publicado por Xerais na colección Narrativa.

Xerais publica en galego o cómic «Fariña», baseado no libro de Nacho Carretero. Noticia no xornal «El Progreso»

O xornal El Progreso publicou unha noticia sobre a aparición de Fariña como novela gráfica, publicada por Xerais en galego.   «Fariña», aparece como novela gráfica en español e galego El dibujante Luis Bustos se sitúa al frente de obras basadas en la crónica de Nacho Carretero, que fue libro y ya es serie y obra de teatro Fariña nació como crónica en forma de libro que editó Libros del K.O.

Ramón Vilar Landeira: «Sempre me resultou máis cómodo moverme nas historias curtas». Entrevista en Radiofusión sobre: «Un peixe no parqué»

Un peixe no parqué, de Ramón Vilar Landeira, protagonizou un novo encontro do clube de lectura de Radio Fene Radiofusión, no que participaron Henrique Sanfiz, Esther Val, Tatty Lavandeira e Andrés C.M. Riveira, ademais do autor. O libro está publicado por Xerais na colección Narrativa. A peza pode escoitarse ou descargarse nesta ligazón.

Unha narración de ton coloquial no que o cotián é extraordinario: «O grupo», de An Alfaya. Anotación no Faro de Vigo

O xornal Faro de Vigo publicou unha anotación de María Navarro sobre o libro: O grupo de An Alfaya. O libro gañou o XII Premio Raíña Lupa de Literatura Infantil e Xuvenil 2018, e está publicado por Xerais na colección: Fóra de Xogo. A recensión pode lerse ou descargarse en formato PDF nesta ligazón.

Miguel Vázquez Freire: «Este libro é unha homenaxe á lectura e á paixón lectora». Entrevista no «Diario Cultural» sobre: «Da Carapuchiña ao señor Lamote»

O programa Diario Cultural da Radio Galega emitiu unha entrevista con Miguel Vázquez Freire sobre o libro: Da Carapuchiña ao señor Lamote, publicado por Xerais na colección: LibroX. A súa intervención pode escoitarse nesta ligazón.

Unha auténtica aventura marítima duns rapaces ben afoutos: «Illas a sotavento», de Henrique Dacosta. Crítica de Xosé Manuel Eyré

O crítico Xosé Manuel Eyré publicou no seu blog Ferradura en tránsito unha recensión sobre o libro: Illas a sotavento, de Henrique Dacosta. O libro gañou o XXV Premio Manuel Lueiro Rey de Novela Curta e está publicado por Xerais na colección Narrativa.

Presentación en Rianxo de “Rafael Dieste. O libre pensamento” de Luís Rei Núñez

O venres 11 de outubro de 2019, ás 20:30 horas, na Casa de Rafael Dieste en Rianxo, terá lugar a presentación do libro Rafael Dieste. O libre pensamento de Luís Rei Núñez. No acto, organizado pola Asociación Cultural Barbantia, Xerais e o Concello de Rianxo, intervirán Adolfo Muíños, alcalde de Rianxo; Xosé Ricardo Losada, profesor e escritor; Amparo Cereixo, profesora.

Conversa en Compostela arredor de “Infamia” de Ledicia Costas

O xoves 10 de outubro ás 20:00 horas, na libraría Pedreira de Santiago, Ledicia Costas e Prudencio Viveiro falarán de Infamia.

Presentación en Ourense de “Da Carapuchiña ao señor Lamote” de Miguel Vázquez Freire

O mércores 9 de outubro ás 19;30 horas, na libraría Espazo Lector Nobel, rúa Concordia 8 de Ourense, terá lugar a presentación do libro Da Carapuchiña ao señor Lamote de Miguel Vázquez Freire. No acto participarán Celina Ramos, Fran Alonso e Miguel Vázquez Freire.

Alberto Martí: «Para facer un libro destas características foi necesario un equipo multidisciplinar». Entrevista en Onda Cero sobre: «Os tempos e o clima de Galicia»

O programa La Brújula de Galicia, de Onda Cero, emitiu unha entrevista de Ángeles San Luis con Alberto Martí sobre o libro: Os tempos e o clima de Galicia, de Alberto Martí, Juan José Taboada, Dominic Royé e Xavier Fonseca. O libro está publicado por Xerais na colección Básicos Ciencia. A súa intervención pode escoitarse nesta ligazón, a partir do minuto 08´00″.

Unha fermosa novela de ciencia ficción na que a aventura e afouteza dos seus protagonistas engaiola ao lectorado: «Conta nove estrelas», de Andrea Maceiras. Crítica en Trafegando Ronseis

O blog Trafegando Ronseis  publicou unha anotación sobre o libro: Conta nove estrelas, de Andrea Maceiras, con ilustracións de Paula Mayor. O libro gañou o Premio Lazarillo 2018, e está publicado por Xerais na colección Merlín.   Conta nove estrelas, de Andrea Maceiras Gañador do Premio Lazarillo 2018, Conta nove estrelas está escrito por Andrea Maceiras e conta coas ilustracións de Paula Mayor.

Unha novela que busca romper cos estereotipos, cos prexuízos mil que aínda nos perseguen: «As estacións do lobo», de María Reimóndez. Crítica de Armando Requeixo no Diario Cultural

O crítico Armando Requeixo interviu no programa Diario Cultural da Radio Galega para facer unha crítica do libro: As estacións do lobo, de María Reimóndez, publicado por Xerais na colección: Narrativa. A súa intervención pode escoitarse nesta ligazón, a partir do minuto 4´40″.