Menu Xerais

«Sol de Inverno»: «gustoume moito, moito»

«Sol de Inverno»: «gustoume moito, moito»

Trafegando ronseis recomenda de forma entusiasta Sol de Inverno, a novela de Rosa Aneiros gañadora do Premio Xerais 2009. Reproducimos un texto na súa totalidade: Gustoume moito, moito, este último premio Xerais, Sol de Inverno de Rosa Aneiros.

«A dama da luz», un álbum fermoso recomendado por Trafegando ronseis

Lucidísimo comentario de Trafegando ronseis sobre A dama da Luz, o álbum escrito por Agustín Fernández Paz e debuxado por Jorge Magutis. Reproducímolo na súa totalidade: Fermoso libro, fermoso texto, fermosa historia, fermosas ilustracións. A dama da Luz de Agustín Fernández Paz, ilustrado por Jorge Magutis, é unha xoia bibliográfica que debemos ter nos nosos andeis. Para abrila de cando en vez.

Xerais, o trinta aniversario en “Galicia hoxe”

Con motivo do trinta aniversario de Xerais, Galicia hoxe publica unha entrevista con Manuel Bragado, o director da editorial. Baixo o título de “Tres décadas dun proxecto cultural”, a xornalista Montse Dopico repasa con Bragado os obxectivos acadados e os retos de futuro.

«Escapado» de Luís Lamela en «Libro aberto» e presentación na Coruña

Hoxe, martes 6 de outubro,  no programa «Libro aberto» da TVG (00:15 horas), será entrevistado Luís Lamela con motivo da aprición de Escapado, a súa primeira novela, na que recupera a historia de Teófilo Caamaño, e a memoria doutros fuxidos e represaliados durante a guerra civil. A entrevista realizouse na illa de San Simón, onde se desenvolve unha parte da novela. Así mesmo, Escapado.

O trinta aniversario de Xerais nos medios

Diversos medios fanse eco da noticia do trinta aniversario da editorial. Así Vieiros, que entrevista a Manuel Bragado, salienta que con este motivo «Xerais lanza no seu 30 aniversario os priemiros ebooks galegos». Pola súa banda, Xornal de Galicia recorda que «Edicións Xerais celebrou onte o 30 aniversario da súa fundación», o mesmo que realiza A Nosa Terra.

Xerais, trinta aniversario

Hoxe, 5 de outubro, hai trinta anos que se constituía en Vigo a empresa Edicións Xerais de Galicia S.A. Transcorridas tres décadas daquel feito alboral, a nosa editorial publicou 3.200 titulos (tres mil en lingua galega) e vendeu máis de dez millóns de exemplares dun catálogo moi diversificado.

«Monte Louro», crítica de Manuel Rodríguez Alonso

Manuel Rodríguez Alonso publica no «Cartafol de libros» de Vieiros a súa crítica de Monte Louro, a novela de Luís Rei Núñez, gañadora do Premio Balnco Amor 2009. Para Alonso «o protagonista desta novela nun determinado momento da súa vida esquece quen é. Debe recuperar a súa identidade.

«Pirata», recomendación de Xosé Carlos Caneiro

Xose Carlos Caneiro recomendou o pasado sábado, 3 de outubro, na súa sección «Club Dandi» do suplemento «Culturas» de La Voz de Galicia a novela Pirata de María Reimóndez. Caneiro considera que Pirata non é unha novela de aventuras, «senón unha novela de pensamento (desas que apenas se editan nas literaturas contemporáneas), onde o primordial é a sua prosa» Reproducimos o texto completo: Amo as novelas de piratas.

«Ramón Piñeiro, os días ocultos», crítica en «Culturas»

Ramón Loureiro publicou o pasado 3 de outubro, sábado, no suplemento «Culturas» de La Voz de Galicia unha crítica de Ramón Piñeiro, os días ocultos, a primeira novela de Daniel Ameixeiro.

«Sol de Inverno»: memoria, lirismo e emoción

Ramón Nicolás publicou o pasado sábado, 3 de outubro, nas páxinas do suplemento «Culturas» de La Voz de Galicia, a primeira crítica de Sol de Inverno, a novela de Rosa Aneiros gañadora do Premio Xerais 2009.

Marilar Aleixandre, homenaxeada no Día Internacional da Tradución

Marilar Aleixandre foi homenaxeada o pasado día 30 de setembro polo seu labor como tradutora literaria. Esta homenaxe formou parte dos actos do Día Internacional da Tradución, organizados pola Facultade de Filoloxía e Tradución da Universidade de Vigo, a Asociación de Tradutores Galegos e Asociación Galega de Profesionales da Tradución e da Interpretación, coa colaboración da Consellaría de Cultura e Turismo.

María Reimóndez gaña o premio Plácido Castro de tradución

Segundo informa hoxe A Nosa Terra, María Reimóndez foi a gañadora da VIIIª edición do Premio Plácido Castro de tradución en lingua galega pola súa versión de Mary Prince, unha escrva das indias occidentais. O premio Plácido Castro é o único neste ámbito que existe en Galicia e está dotado economicamente con 3.000 euros.