Menu Xerais

«De provincia a nación»: Premio Nacional de Ensaio 2008

«De provincia a nación»: Premio Nacional de Ensaio 2008

Justo Beramendi foi galardoado co Premio Nacional de Ensaio 2008 polo seu libro De provincia a nación. Historia do Galeguismo Político, publicado por Xerais no pasado ano 2007. De Provincia a nación.

Herminio Barreiro, entrevista en «Tempos»

Herminio Barreiro, entrevista en «Tempos»

Herminio Barreiro, autor de Recordar doe,  é entrevistado por Iago Martínez en Tempos. Recollemos varios fragmentos: Aos vinte anos nin doe recordar nin doe nada, pero a unha certa idade si. Recordar doe porque é tomar conciencia do paso do tempo. Por que hai unha certa amargura no que se lembra? Porque xa non existe. Nin a vivencia nin o espazo da vivencia. Desapareceu.

«O libro das viaxes imaxinarias» de Xabier P. DoCampo e Xosé Cobas

Hoxe entrou no almacén un dos libros máis agardados do ano, O libro das viaxes imaxinarias escrito por Xabier P. DoCampo e ilustrado por Xosé Cobas. Chegará ás librarías a vindeira semana e será presentado 13 de novembro, ás 20:00 horas na Biblioteca Miguel González Garcés da Coruña. Un libro inusualmente fermoso de formato esvelto e páxinas despregables.

«Reversos. (Días adiados)», derradeiro poemario de Ramiro Fonte

«Reversos. (Días adiados)», derradeiro poemario de Ramiro Fonte

Chegan do prelo os primeiros exemplares de Reversos. (Días adiados), o derradeiro poemario do poeta Ramiro Fonte, falecido o pasado sábado, 11 de outubro. Continuando co ciclo de poemas complementarios de formas clásicas, recompilado en A rocha dos poscritos (Xerais 2005), Fonte ofrece un libro memorable.

Xabier Paz, entrevistado por «A Nosa Terra»

Xabier Paz, entrevistado por «A Nosa Terra»

Xabier Paz, o autor de Renacer, é entrevistado por A Nosa Terra. Reproducimos dous fragmentos: Topei coa figura de Aretino que era escritor e tamén cos seus amigos: Sansovino, arquitecto, e o pintor Tiziano. Unha impresionante concentración cultural nun momento de por si brillante para a cultura. Intereseime neles, sen pensar nunha novela.

«Renacer», crítica en «Faro da Cultura»

«Renacer», crítica en «Faro da Cultura»

Francisco Martínez Bouzas publica en Faro da Cultura unha crítica de Renacer, a novela de Xabier Paz.

Manuel Rivas, entrevista en «El País»

Manuel Rivas, entrevista en «El País»

Xosé Manuel Pereiro entrevista hoxe a Manuel Rivas na edición de Galicia de El País debido á recente nominación da súa novela L’éclat dans l’abyme (tradución ao francés de Os libros arden mal) como finalista do prestixioso Premio Médicis. Rivas anuncia nesta entrevista a próxima aparición da súa nova obra, A corpo aberto (unha ollada indie), que publicará Xerais a finais do vindeiro mes de novembro.

«As mellores intencións», crítica en « Culturas»

«As mellores intencións», crítica en « Culturas»

Ramón Nicolás publicou na edición do suplemento «Culturas» de La Voz de Galicia do pasado sábado 11 de outubro unha crítica sobre a novela de Begoña Paz As mellores intencións. Reproducimos o texto.

«O Globo de Shakespeare», adianto de lectura

Xa pode baixarse un fragmento de lectura d’ O Globo de Shakespeare, a novela de Jaureguizar premiada co Terra de Melide 2008.

Ramiro Fonte, actos de despedida

Os actos de despedida de Ramiro Fonte realizaranse, mañá luns, 13 de outubro, en Pontedeume. Os seus restos mortais velaranse, a partir das 11 da mañá e ata as 17 horas, na Casa do Concello de Pontedeume. Ás 17:00 horas sairá a comitiva funebre en dirección ao cemiterio da vila. Ás 18:00 horas oficiarase unha misa funeral na igrexa parroquial de Santiago.

Pesar polo pasamento de Ramiro Fonte

Hoxe son numerosas as mostras de pesar expresadas polo falecemento do escritor Ramiro Fonte: Manuel Bragado: «Ramiro Fonte», Faro de Vigo. Ramón Loureiro: «Un creador para a eternidade», «Última entrevista», La Voz de Galicia. Ágatha de Santos: «Morre o poeta galego Ramiro Fonte», Faro de Vigo. A.R. López: «Unha icona da Xeración dos 80», «Adeus Norte», Galicia hoxe. Fran P.

Faleceu Ramiro Fonte

Faleceu Ramiro Fonte

A dirección e o cadro de persoal de Edicións Xerais de Galicia amosa o seu máis fondo pesar polo falecemento do escritor Ramiro Fonte, autor da editorial dende hai vinte e cinco anos. O pasado venres acabárase de imprimir Reversos, o longo poemario de versos de formas clásicas medidas, que escribira durante os últimos meses e que a editorial tiña previsto publicar este mes de outubro.