Menu Xerais

«O Brindo de Ouro II», presentado en Froxán, O Courel

Xesús Manuel Marcos presentou o domingo pasado en Froxán (O Courel), na festa da Pisa da castaña 2009, A Táboa da Hospitalidade, o segundo volume da serie de fantasía «O Brindo de ouro». Manuel Bragado recomenda no seu blog esta magnífica novela.

«Historia Social da Guerra da Independencia en Galicia», crítica en «Faro da Cultura»

Alfredo Iglesias Diéguez publicou no suplemento «Faro da Cultura» do pasado 3 de decembro, unha crítica sobre a Historia Social da Guerra da Independencia en Galicia, o libro máis recente de Xosé Ramón Barreiro Fernández.

«O Cabo do Mundo» de Xabier Quiroga, presentación en Lalín

O vindeiro venres, 11 de decembro, ás 20,00 horas, no Salón de Actos do IES Laxeiro, Avda Bos Aires, 71 en Lalín, será presentada O Cabo do Mundo, a cuarta novela de Xabier Quiroga. Acompañarán ao autor no acto  Uxío Grande (Director do IES Laxeiro) e o editor Manuel Bragado.

«Mil cousas poden pasara. Libro I», Premio Merlín 2009, presentación en Vigo

O vindeiro xoves, 10 de decembro, ás 20:00 horas na Libraría Librouro (rúa Eduardo Iglesias 12) presentarase Mil cousas poden pasar. Libro I, obra escrita e ilustrada por Jacobo Fernández Serrano, gañadora do Premio Merlín de literatura infantil 2009. No acto acompañarán ao autor,  a escritora Chus Pereiro e a editora Helena Pérez.

Rosa Aneiros entrevistada por «A Nosa Terra»

Rosa Aneiros é entrevistada por A Nosa Terra con motivo da promoción de Sol de Inverno e Ás de bolboreta, as novelas polas que obtivo o Premio Xerais e premio Fundación Caixa Galicia de literatura xuvenil.

«La Voz de Galicia» anuncia a aparición do «Gran Dicionario Xerais da Lingua»

Jorge Lamas publica hoxe en La Voz de Galicia unha entrevista-reportaxe sobre a aparición do Gran Dicionario Xerais da Lingua.

«Sete palabras», primeira crítica, «La Voz de Galicia»

Ramón Nicolás publica hoxe no suplemento «Culturas»de La Voz de Galicia a primeira crítica de Sete palabras, a novela máis recente de Suso de Toro. O texto publicado pode lerse [baixarse] aquí en pdf.

Marcos Calveiro entrevistas nos medios

Tras o anuncio de onte, varios foron os medios que hoxe publican entrevistas con Marcos Calveiro, autor d’ O pintor do sombreiro de malvas. Xornal de Galicia: «Marcos Calveiro gaña o premio Lazarillo cunha novela en galego. O autor reconstrúe os últimos días en Auvers, daseándose nas súas cartas e pinturas».

Marcos Calveiro Premio Lazarillo de literatura xuvenil 2009

Segundo anunciou hoxe a OEPLI, Marcos Calveiro resultou gañador do Premio Lazarillo de literatura xuvenil coa súa novela O pintor do sombreiro de malvas.

«Escapado» de Luís Lamela, presentación en Culleredo

O mércores, 9 de decembro, ás 20:00 horas na Biblioteca de Poesía Uxío Novoneyra (Pazo de Vila Melania, Avenida de Vilaboa 42) de Culleredo presentarase o libro Escapado de Luís Lamela. No acto acompañarán ao autor, Celestino Poza Domínguez, concelleiro de Cultura; Carlos Pereira Martínez, historiador e Manuel Bragado. O acto está organizado por Xerais coa colaboración da concellaría de Cultura do concello de Culleredo.

«Delimvois» de Rubén Ruibal

A vindeira semana chega ás librarías Delimvois de Rubén Ruibal. Publicada dentro da Biblioteca Dramática Galega, coeditada por AGADIC e Xerais, esta peza explora os límites da identidade de dous homes coa memoria borrada e unha científica que experimenta con eles. Delimvois (ou dlmvs) é a muralla científica que protexe e rodea unha das cidades do Estado Único.

«O Brindo de ouro II», presentación na Festa da Pisa de Froxán

O domingo, 6 de decembro, ás 14:00 horas, no transcurso da Festa da Pisa de Froxán (O Courel) presentarase O Brindo de Ouro II. A táboa da Hospitalidade de Xesús Manuel Marcos. No acto acompañará ao autor Manuel Bragado.