Menu Xerais

Xabier Quiroga: «Eu fago novelas de terror político»

Xan Carballa publica nas páxinas de «Luces» de El País Galicia unha interesantísima entrevista a Xabier Quiroga, con motivo da publicación da cuarta novela do escritor do Saviñao, O Cabo do Mundo.

Premios «Fervenzas Literarias 2009»

Recibimos con entusiasmo e agradecemento a noticia dos Premios «Fervenzas Literarias 2009» outorgados polos lectores e lectoras deste espazo de referencia na promoción da literatura galega. Tras os resultados de 2007 e 2008, velaí as obras publicadas por Xerais que resultaron gañadoras: Monte Louro de Luís Rei Núñez, mellor libro de literatura para adultos. Ás de bolboreta de Rosa Aneiros, mellor libro xuvenil.

Cid Cabido recrea un crime en conserva

Moi completa e interesante a reportaxe de B.R. Sotelino publicada hoxe na edición de Vigo de  La Voz de Galicia sobre a máis recente novela de Cid Cabido, Unha historia que non vou contar. Recollemos varios parágrafos do texto: Se podría decir que la nueva novela de Cid Cabido es la historia de un crimen en conserva.

Encontro con Fina Casalderrey no Club de Lectura «Tendendo redes»

O vindeiro mércores, 20 de xaneiro, entre as 17:00 e as 19.00 horas, terá lugar nas instalacións do Consello da Cultura Galega un encontro-coloquio coa escritora Fina Casalderrey con motivo da súa novela A pomba e o degolado. O acto, conducido por Miguel Vázquez Freire, está organizado polo Club de lectura «Tendendo redes» de Gálix.

«Á sombra de Capote», crítica de Ramón Nicolás sobre «Unha historia que non vou contar»

CID CABIDO OFRECE UNHA NOVELA QUE PESCUDA NA MEMORIA RECENTE DA SOCIEDADE VIGUESA DOS ANOS SETENTA Tras Blúmsdei (2006),  e logo da recente tradución ao castelán dunha antoloxía de relatos titulada Oralmente por la boca (2009), retorna o escritor limiao Cid Cabido ao xénero novelesco, e faino cunha proposta que afianza o seu lugar entre os narradores máis salientables que comezaron a súa andaina de xeito máis recoñecible nos a

«Vento de Cabanillas», crítica sobre a edición da «Poesía galega completa» do poeta da raza

Que Ramón Cabanillas é un dos poetas de raza e de refencia da poesía e da literatura galega ninguén o pon en dúbida, así como que foi o herdeiro e continuador natural das tres senlleiras figuras das nosas letras: Rosalía, Curros e Pondal, pois conseguiu darlle continuidade ao Rexurdimento do XIX, que deixara un baleiro, sen imitalo e conectado coas correntes europeas da época.

«De como cheguei á marabilliña», anotación de Xosé Manuel Eyré

Transcribimos a anotación de Xosé Manuel Eyré publicada no seu blog sobre Mil cousas poden pasar. Libro I de Jacobo Fernández Serrano, premio Merlín de Literatura Infantil 2009. Unha pequena marabilla, ía falar diso. Defino así a lectura que estou facendo estes días. Defínoa así, moi traballosamente porque non é nada doado, nada. Primeiramente. Non quero renunciar a “pequena”.

«”Valados”: fermosa historia de sentimentos encontrados», crítica de María Navarro

TENRO E DELICADO. UN MEIGO DA PALABRA A existencia de valados físicos e imaxinarios é hoxe en día unha realidade espallada por case todo o mundo e somos nós, as persoas, os que os construímos con táboas, formigón armado ou prexuízos do máis diverso. Nun momento dado non se sabe –ou si– por que alguén decide erguer unha fronteira e impedir o trafego de vida, preservando ideas, modos de vida, mesturas.

«”Unha historia que non vou contar”: unha novela cen por cen viguesa»

METAFICCIÓN. UN RICO TERRITORIO A estas alturas da sesión non resulta novidoso para ninguén,achegado as nosas letras,nin desacougante para o mesmo autor,a constatación de que Cid Cabido é seguramente o narrador máis singular, insólito e inclasificable do sistema literario galego.

«Diego Ameixeiras, unha mirada diferente na novela galega»

O pasado domingo, 10 de xaneiro, José Miguel A. Giráldez publica no suplemento dominicial de El Correo Gallego unha entrevista longa con Diego Ameixeiras, con motivo da publicación de Dime algo sucio.

«”Dime algo sucio”: axexados polo veciño», crítica de Sandra Faginas

AMEIXEIRAS VÉN DE PUBLICAR UNHA HISTORIA DE VIOLENCIA E INTRIGA DE VIDAS CRUZADAS QUE BEBE DAS NOVELAS POLICIAIS DE QUIOSCO Sempre persoal, a mirada de Diego Ameixeiras (Lausanne, 1976) tenos afeitos nesta curta e destacada carreira literaria a disparos acertados en forma de obras tan distintas como as primeiras Baixo mínimos (2004) e O cidadán do mes (2006), co detective Horacio Dopico como protagonista, e Tres segundos de memoria (

María Reimóndez: «A pobreza é un sistema político»

O suplemento «Lecer» de Galicia hoxe publicaba onte unha longa entrevista coa escritora María Reimóndez con motivo da celebración da quinta edición do festival organizado por Implicadas/os polo desenvolvemento, a ONG da que é fundadora e presidenta.