Menu Xerais

¿Quen mata: as palabras ou o silencio? Anotación en Redelectura sobre a última novela de Marcos Calveiro

Redelectura, o blog da Asesoría de Bibliotecas Escolares publica unha anotación sobre As palabras poden matar, de Marcos Calveiro.

 

¿Quen mata: as palabras ou o silencio?

Ben a conto a pregunta despois de ler a última novela de Marcos Calveiro As palabras poden matar.
Un barrio de favelas onde goberna o Chibo e os seus sicarios. O Chibo, igual que o progatogisna daquela novela de Vargas Llosa é intocable e ditador, sen límites no seu castigo e sen perdón nas súas decisións. O perigo axexa nese mundo pechado do que non se pode saír. Xa dende rapaces xógase a lareta ou sicario, logo tómase a decisión que non pode ser outra que a que decida O Chibo, porque non se trata de conseguir algo senón de lograr que non acaben con un.
En terra hostil, sería o programa.
Unha antiutopía.
Un personaxe que non damos crido de tan enrevesado e cruel… porque, non vai quedar unha fenda de esperanza? van deixar a rapazada condenada a unha noite sen día?
Igual non vale a risa nin os paiasos aínda que sexan do mundo, igual non é suficiente coa visita dun anxo e hai que agardar máis, pero as portas deben estar abertas. Hai demasiada desesperanza para non agardar por alguén.
Porque as palabras poden de auga ou de xeo, poden liberar ou matar.

Comentarios pechados