O vindeiro sábado 19 de xaneiro de 2019, ás 12:30, terá lugar no salón de actos (1º andar) do Auditorio de Rianxo a presentación do libro de poemas O xiro, de Noelia Gómez, Premio López Abente 2018. No acto participarán Raquel García Abuín (filóloga e concelleira de Cultura de Rianxo), Roberto Abuín (filósofo, editor e escritor) e a autora.
O xoves 17 de xaneiro, 2019, ás 20:00 horas, na librería Lila de Lilith, rúa Travesa, 7, Santiago, terá lugar a presentación do libro O xiro de Noelia Gómez, V Premio de Poesía Gonzalo López Abente. No acto participarán Antía Otero, Fran Alonso e Noelia Gómez.
O Diario Cultural da Radio Galega emitiu unha entrevista coa escritora Noelia Gómez sobre o poemario: O xiro. O libro gañou o V Premio de Poesía Gonzalo López Abente e está publicado por Xerais na colección Poesía. A súa intervención pode escoitarse nesta ligazón.
O xiro, de Noelia Gómez, é unha novidade da colección Poesía de Xerais. O libro gañou o V Premio de Poesía Gonzalo López Abente. Este libro debúxase no aire cos arames que forman o tramado do coñecido, e vólvese estraño a causa do movemento. Coma unha escultura de Calder, Noelia Gómez bota man de cores primarias dándolles forma e fondo ata facelas xirar serpentinas.