Menu Xerais

Xabier Quiroga, entrevista en «Galicia hoxe»

Montse Dopico entrevista en Galicia hoxe a Xabier Quiroga con motivo da publicación d’ O Cabo do Mundo. Baixo o título «A procura da identidade», na entrevista debúllanse algunhas das cuestións principais desta cuarta novela de Quiroga: «Na miña obra narrativa, se hai algo común, é a procura da identidade, dun mesmo, e ao mesmo tempo descóbrense cousas que non se sabían. Si hai similitudes con Atuado: a idea do pasado, o lugar, que aquí é o Cabo do Mundo, coa súa historia de guerrilleiros refuxiados. Nacín por alí, e xa de neno sentía algo especial ao ver o Cabo… Sempre pensei que merecía unha novela.» Quiroga confesa que «esta novela naceu no 2006, no Ano da Memoria, e iso marcouna moito. Daquela comecei a ler moito sobre o tema, e sobre o que pasou no concello do Saviñao. Pero esta non é unha historia do pasado, senón do presente», engadindo que «son feitos que marcaron a historia do país, e que estaban agochados. Dicíase que aquí non pasou nada, que non houbo guerra… En realidade, si pasou, producíronse feitos demenciais, e temos que coñecelos para poder mirar ao futuro.»

Comentarios pechados